କାମାକ୍ଷାନଗର,(ମନିସ )22/6/23 // କାମାକ୍ଷାନଗର ଥାନା ଅନ୍ତର୍ଗତ ପଲ୍ଲୀଶାନ୍ତରାପୁର ଗ୍ରାମ ଓ ଖଟଖୁରା ଗ୍ରାମରେ ଗୁରୁବାର ଅପରାହ୍ନରେ ବଜ୍ରପାତ ଘଟିବାରୁ ୨ ଜଣ ଗୁରୁତର ଭାବେ ଆହତ ହୋଇଥିବା ବେଳେ ଚାରିଟା ଛେଳିରମୃତ୍ୟୁ ହୋଇଥିବାର ଜଣାଯାଇଛି l କାନପୁରା ପଞ୍ଚାୟତର ପଲ୍ଲୀଶାନ୍ତରାପୁର ଗ୍ରାମର ଗୁରୁବାରୀ ନାୟକ ଘରେ ଥିବା ବେଳେ ବଜ୍ରପାତ ଘଟିଥିଲା l ଫଳରେ ଗୁରୁବାରୀ ଗୁରୁତର ଭାବେ ଆହତ ହୋଇ ପଡ଼ିଥିବା ବେଳେ ରହୁଥିବା ଘର ଜଳି ଯାଇଛି l ପଡୋଶୀ ତୁରନ୍ତ ଗୁରୁବାରୀଙ୍କୁ ଉପଖଣ୍ଡ ଚିକିତ୍ସାଳୟରେ ଭର୍ତି କରିଛନ୍ତି l ସେହିପରି ବାଲିଗୋରଡ଼ ପଞ୍ଚାୟତର ଖାତଖୁରା ଗ୍ରାମର କଟାସାହିର ବିଦ୍ୟାଧର ବେହେରା ଛେଳି ଚରାଇବାକୁ ଯାଇଥିଲେ l ଏଇ ସମୟରେ ବଜ୍ରପାତ ହେବାରୁ ବିଦ୍ୟାଧର ଗୁରୁତର ହୋଇ ଥିବା ବେଳେ ତାଙ୍କର ଚାରୀ ଗୋଟି ଛେଳିଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି l ପାଖରେ ଥିବା କେତେକ ଲୋକ ବିଦ୍ୟାଧର ଙ୍କୁ ଉପଖଣ୍ଡ ଚିକିତ୍ସାଳୟରେ ଭର୍ତି କରିଛନ୍ତି l ଉଭୟଙ୍କର ଚିକିତ୍ସା ଜାରି ରହିଛି l
previous post
next post