ଲାଞ୍ଜିଗଡ଼,୦୧/୦୭(ମନିସ)-ଗାଁକୁ ଗାଁ ସଡ଼କ ପଥରେ ଯୋଡ଼ିବାକୁ ସରକାର ପ୍ରଧାନମନ୍ତ୍ରୀ ସଡ଼କ ଯୋଜନାରେ ରାସ୍ତା ନିର୍ମାଣ କରୁଛନ୍ତି ! ଏଥିପାଇଁ ହେଉଛି କୋଟିକୋଟି ଟଙ୍କାର ବ୍ୟୟବରାଦ ! ତେବେ ଦୁର୍ନୀତିଖୋର ଅଧିକାରୀ ଓ ଲାଭଖୋର ଠିକାଦାରମାନଙ୍କ ଯୋଗୁଁ ଏଭଳି ମହତ୍ବପୂର୍ଣ୍ଣ ସରକାରୀ ଯୋଜନା ଫସର ଫାଟିବାରେ ଲାଗିଛି ! ଏଭଳି ପରିସ୍ଥିତି ଯୋଗୁଁ ନିମ୍ନମାନର କାମକୁ ବିରୋଧ କରି କାମ ବନ୍ଦ କରିଦେଇଛନ୍ତି ଗାଁ ଲୋକେ ! ଉପରିସ୍ତ ଅଧିକାରୀ ଆସନ୍ତୁ, ଯାଞ୍ଚ କରନ୍ତୁ ତା’ପରେ କାମ କରାଯାଉ ବୋଲି ଦାବି କରିଛନ୍ତି ! ଲୋକଙ୍କ ବିରୋଧକୁ ଦେଖି ଠିକାଦାରଙ୍କ ମୁନସୀ ଓ ଶ୍ରମିକ କାନମୁଣ୍ଡ ଆଉଁସି କାମ ବନ୍ଦ କରିବାକୁ ବାଧ୍ୟ ହୋଇଛନ୍ତି ! ଏପରି ଏକ ଦ୍ରୁଶ୍ୟ ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ଗୋବର୍ଦ୍ଧନପୁର ପଞ୍ଚାୟତ ଭାଲୁଚଞ୍ଚରା ଗାଁରେ ! ଭବାନୀପାଟଣା-ରାୟଗଡ଼ା ପିଡବ୍ଲ୍ୟୁଡି ରାସ୍ତା ଡେଙ୍ଗେନରୁ ଗୋବର୍ଦ୍ଧନପୁର ଭାୟା ଭାଲୁଚଞ୍ଚରାକୁ ପ୍ରଧାନମନ୍ତ୍ରୀ ସଡ଼କ ଯୋଜନାରେ ରାସ୍ତା ନିର୍ମାଣ ପାଇଁ ୨ କୋଟି ୨୧ ଲକ୍ଷ ୬ ହଜାର ଟଙ୍କାର ବ୍ୟୟ ଅଟକଳ ରହିଛି ! ସାତ କିଲୋମିଟର ରାସ୍ତା ନିର୍ମାଣର ଟେଣ୍ଡର ପାଇଛନ୍ତି ସୁପରକ୍ଲାସ ଠିକାଦାର ମନୋଜ କୁମାର ଗୁପ୍ତା ! ତେବେ ସୂଚନାଫଳକ ଅନୁଯାୟୀ, ଏଇ ରାସ୍ତା କାମ ୨୦୨୯ ମସିହା ଅଗଷ୍ଟ ମାସ ୭ ତାରିଖରେ ଆରମ୍ଭ ହୋଇ ୨୦୨୧ ମସିହା ଅଗଷ୍ଟ ମାସ ୬ ତାରିଖ ସୁଦ୍ଧା ସରିବାର ଥିଲା ! କିନ୍ତୁ ଧାର୍ଯ୍ୟ ସମୟ ଶେଷ ହୋଇ ଆଉ ଦୁଇ ବର୍ଷ ବିତିବାକୁ ଥିଲେ ହେଁ କାମ ସରିବାର ନାଁ ଧରୁନି ! ସାତ କିଲୋମିଟର ରାସ୍ତା ନିର୍ମାଣର ଅବଧି ସରି ମେଣ୍ଟେନାନ୍ସ ଅବଧି ବି ଶେଷ ହେବାକୁ ବସିଲାଣି କିନ୍ତୁ ରାସ୍ତାକାମ ସରିପାରୁନି ! ରାସ୍ତା କାମ କିଛି ପରିମାଣରେ ହୋଇଥିଲେ ହେଁ ନିମ୍ନମାନର ମେଟାଲ୍, ମୁରୁମ ବଦଳରେ ଚିକିଟା ମାଟି ଓ ନିମ୍ନମାନର ପିଚୁ ଲଗାଇ କାମ କରିବା ଯୋଗୁଁ ରାସ୍ତାର ସ୍ଥାୟିତ୍ବକୁ ନେଇ ସନ୍ଦେହ ସ୍ରୁଷ୍ଟି ହୋଇଛି ! ଏପରିକି ରାସ୍ତା ନିର୍ମାଣ ଯେଉଁଠି ସରିଛି, ସେଇଠି ରାସ୍ତାର ଅବସ୍ଥା ପୂର୍ବ ଅବସ୍ଥାଠାରୁ ବି ବଳିଯାଇଛି ! ରାସ୍ତାକୁ ରୋଲର ଚଲାଇ ସମତଳ କରାଯାଇ ନଥିବାରୁ ଉଚ୍ଚନୀଚ୍ଚ ରହିଛି ରାସ୍ତା ! ରାସ୍ତା କାମ ଚାଲିଥିବାବେଳେ କୌଣସି ବିଭାଗୀୟ ଅଧିକାରୀ, ଯନ୍ତ୍ରୀ କିମ୍ବା କେହି କର୍ମଚାରୀ ଓ ଠିକାଦାର ଉପସ୍ଥିତ ରହୁନଥିବାରୁ ମୁନସୀଙ୍କ ମର୍ଜିରେ ଚାଲିଛି ରାସ୍ତାକାମ ! ତେବେ ଏଇ ନିମ୍ନମାନର ରାସ୍ତାକାମକୁ ବିରୋଧ କରି ଭାଲୁଚଞ୍ଚରା ଗ୍ରାମବାସୀ କାମ ବନ୍ଦ କରିଦେଇଥିବାବେଳେ ବିଭାଗୀୟ ଅଧିକାରୀ ଆସନ୍ତୁ କାମ ଯାଞ୍ଚ କରନ୍ତୁ ଓ ତାପରେ କାମ ହେବ ବୋଲି ଜିଦରେ ଅଡ଼ି ବସିଛନ୍ତି ! ତେବେ ବିଭାଗୀୟ ଅଧିକାରୀ ଏ ସଂପର୍କରେ ସୂଚନା ପାଇଥିଲେ ହେଁ ନିରବ ରହିବା ଜନସାଧାରଣଙ୍କୁ ଆଶ୍ଚର୍ଯ୍ୟଚକିତ କରିଛି !
previous post