କୋକସରା,୧୬ା୩ – କୋକସରା ବ୍ଲକ ଦକ୍ଷିଣ ବନଖଣ୍ଡ ଅଧିନରେ ଥିବା ସାହାଜଖୋଲ ସଂରକ୍ଷିତ ଜଙ୍ଗଲ ମଧ୍ୟରେ ଅବସ୍ଥିତ କଳାହାଣ୍ଡି ଜିଲ୍ଲାର ଅନ୍ୟତମ ପର୍ଯ୍ୟଟନ ସ୍ଥଳି ଗୁଡାହାଣ୍ଡି ଡୋକାରିଚଞ୍ଚରା ରେ ବନ ବିଭାଗ ଅଧୀନରେ ଚାଲିଥିବା ଉନ୍ନୟନ କାମ ର ପରିଦର୍ଶନ ଓ ସମୀକ୍ଷା କରିଛନ୍ତି ଦକ୍ଷିଣ ବନଖଣ୍ଡ ଜିଲ୍ଲା ଅଧିକାରୀ ଦୟାନନ୍ଦ ଗଜାନନ ଲାଦେ । 
ତାଙ୍କ ସହ ଏସିଏଫ୍ ଦକ୍ଷିଣ ବନଖଣ୍ଡ ଅନିଲ କୁମାର ରାୟ, ଧର୍ମଗଡ ବନପାଳ ଭବାନୀ ଶଙ୍କର କୁବର, ବେହେରା ଫରେଷ୍ଟର ଫାଲ୍ଗୁନୀ ମେହେର ଉପସ୍ଥିତ ରହିଥିଲେ । ଗୁଡାହାଣ୍ଡି ଡୋକାରିଚଞ୍ଚରା ଉନ୍ନୟନ କମିଟି ସଭାପତି ଭଦ୍ରେଶ୍ୱର ପାତ୍ର, କାର୍ଯ୍ୟକାରୀ ସଭାପତି ଜିତେନ୍ଦ୍ର ପ୍ରଧାନୀ, ଉପ ସଭାପତି ଅଇରୀ ନାସନ ଚିନ୍ଦା, ସୁଧୀର କୁମାର ପାତ୍ର, ସମ୍ପାଦକ ମଧୁବନ ପାତ୍ର, ଯତୀନ ମାଝୀ ପ୍ରମୁଖ ଉପସ୍ଥିତ ରହି ଜଙ୍ଗଲ ବିଭାଗ ର ଅଧିକାରୀ ଙ୍କୁ ପର୍ଯ୍ୟଟନ ସ୍ଥଳି ର ବିଭିନ୍ନ କାର୍ଯ୍ୟ ର ସମୀକ୍ଷା କରିବା ସହ ଜଙ୍ଗଲ ସୁରକ୍ଷା, 
ଜଙ୍ଗଲ ବିଭାଗ ଦ୍ୱାରା ହେଉଥିବା ନିର୍ମାଣାଧୀନ କାର୍ଯ୍ୟ ରେ ଉନ୍ନୟନ ସମିତି ସହ ସମନ୍ୱୟ ରଖିବା ପାଇଁ ଆଲୋଚନା ହୋଇଥିଲା ଓ ବିଭିନ୍ନ ସ୍ଥାନ ରେ ପାର୍କିଂ, ଶିଶୁ ଉଦ୍ୟାନ, ଫୁଲ ବଗିଚା, ଭୈରବଧାର ଓ ଡୋକରିଦର ଜଳପ୍ରପାତ କୁ ରାସ୍ତା ସମେତ ପର୍ଯ୍ୟଟନ ସ୍ଥଳି ରେ ସ୍ୱଚ୍ଛତା ପାଇଁ ଆବର୍ଜନା କୁଣ୍ଡ ନିର୍ମାଣ କରିବାକୁ ଅଧିକାରୀ ଙ୍କ ସହ ଆଲୋଚନା କରିଛନ୍ତି । ଆଗାମୀ ଦିନ ରେ ପର୍ଯ୍ୟଟନ ସ୍ଥଳି ର ଉନ୍ନତି ଉପରେ ଜଙ୍ଗଲ ବିଭାଗ ପକ୍ଷରୁ ଯଥାସମ୍ଭବ ଉନ୍ନୟନ କାର୍ଯ୍ୟ କରାଯିବ ବୋଳି ଡି.ଏଫ.ଓ ପ୍ରତିଶ୍ରୁତି ଦେଇଥିବା ଜଣାପଡିଛି । ମ ନି ସ
