ଡାବୁଗାଁ, ୮/୭ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ରେ ଜାତିକୁ ଆକ୍ଷେପ କରି ଗାଳିଗୁଲଜ କରିବା ନେଇ ଡାବୁଗାଁ ଥାନାରେ ଶନିବାର ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ପୂଜାରିଗୁଡା ଗ୍ରାମର ରାମଧର ଭତ୍ରା ୩ ତାରିଖ ଦିନ ରାତି ୮ ଘ॰ ସମୟରେ ନିଜ ଘର ଦାଣ୍ଡରେ ପାଖ ପଡୋଶୀ ଙ୍କ ସହ ବସିଥିଲେ | ସେହି ସମୟରେ ସେହି ଗ୍ରାମର ମୋତିରାମ କଲାର, ନରସିଂ କଲାର, ମେଘନାଦ ଭତ୍ରା, ସନସାଏ କଲାର, ରାମଚନ୍ଦ୍ର କଲାର ଓ ଯୋଗୀ କଲାର ଆସି ରାମଧର ଙ୍କୁ ଅସଭ୍ୟ ଭାଷାରେ ଜାତିଆଣ ଆକ୍ଷେପ କରି ଗାଳିଗୁଲଜ କରିଥିଲେ | ସେହି ସମୟରେ ରାଧିକା ଭତ୍ରା ଓ ମନମୋତି ଭତ୍ରା ଘଟଣାସ୍ଥଳରେ ପହଞ୍ଚି ସେମାନଙ୍କୁ ବୁଝିଥିଲେ କିନ୍ତୁ ସେମାନେ ବୁଝି ନଥିଲେ | ଏନେଇ ରାମଧର ଶୁକ୍ରବାର ଡାବୁଗାଁ ଥାନାରେ ଏତଲାଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା ପୋଲିସ ଉକ୍ତ ୬ ଜଣ ଙ୍କ ନାମରେ ଏକ ମାମଲା ରୁଜୁ କରାଯାଇଛି | ଏହି ମାମଲାକୁ ଉମରକୋଟ ଉପଖଣ୍ଡ ଆରକ୍ଷୀ ଅଧିକାରୀ ଶୁଭେନ୍ଦୁ ଶବର ତଦନ୍ତ କରୁଛନ୍ତି | ଏନେଇ ଥାନା କେସ ନଂ ୧୩୨/୨୩ ରେ ଏକ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
