ଭବାନୀପାଟଣା: ତା ୧୪.୭.୨୦୨୩:ଆଜି କଳାହାଣ୍ଡି ଜିଲ୍ଲାପାଳଙ୍କ କାର୍ଯ୍ୟାଳୟ ପ୍ରକୋଷ୍ଠ ରେ ଜିଲ୍ଲାପାଳ ପି ଅନ୍ୱେଷା ରେଡ୍ଡୀଙ୍କ ଅଧ୍ୟକ୍ଷତା ରେ ଡେଙ୍ଗୁ ମ୍ୟାଲେରିଆ ସଂପର୍କିତ ଜିଲ୍ଲାସ୍ତରୀୟ ଅନ୍ତବିଭାଗୀୟ ସ୍ଵମନ୍ନୟ ବୈଠକ ଅନୁଷ୍ଠିତ ହୋଇଛି।
ଉକ୍ତ ବୈଠକରେ ଜିଲ୍ଲାପାଳ , ଜିଲ୍ଲାରେ ଡେଙ୍ଗୁ, ମ୍ୟାଲେରିଆ, ହଇଜା ବ୍ୟାପିବା ସମ୍ବାବନା ଥିବା ଅଞ୍ଚଳରେ ଏହି ରୋଗ କୁ ରୋକିବା ପାଇଁ ବିଭିନ୍ନ ବିଭାଗର ପଦକ୍ଷେପ,ସଚେତନତା ସୃଷ୍ଟି ସମ୍ପର୍କରେ ସମୀକ୍ଷା କରିଥିଲେ।ସମସ୍ତଙ୍କର ମିଳିତ ଉଦ୍ୟମରେ ହି ଡେଙ୍ଗୁ , ମ୍ୟାଲେରିଆ, ହଇଜା ନିରାକରଣ କରାଯାଇପାରିବ ଓ ଜିଲ୍ଲାରେ ବର୍ଷା ଋତୁରେ ସତର୍କ ହେଲେ ଉକ୍ତ ରୋଗ ଯେପରି ନ ହେବ ଏଥି ପାଇଁ , ସବୁସ୍ତର ରେ ଜନ ସଚେତନତା କରିବା ପାଇଁ ଆହ୍ବାନ କରାଗଲା।
ସଚେତନତା ହିଁ ସୁରକ୍ଷା।ସମସ୍ତେ ଡେଙ୍ଗୁ ରୁ ରକ୍ଷା ପାଇବା ପାଇଁ ଔଷଧଯୁକ୍ତ ମଶାରୀ ଟାଣିବା ବା ମଶା ନାଶକ ବତି ବ୍ୟବହାର କରି ଯେଭଳି କୌଣସି ସ୍ଥାନରେ ପାଣି ନ ଜମିବା ଉପରେ ଗୁରୁତ୍ବ ଦେଲେ ଡେଙ୍ଗୁକୁ ରୋକାଯାଇପାରିବ ।ଜିଲ୍ଲାପାଳ ବିଶେଷ କରି ଥୁଆମୂଲ ରାମପୁର, ଲାଞ୍ଜିଗଡ,ଏମ ରାମପୁର ଅଞ୍ଚଳରେ ସ୍ୱାସ୍ଥ୍ୟ ଅଧିକାରୀ , ଆଶା କର୍ମୀ, ଏ ଏନ୍ ଏମ ନିଜ ଦାୟିତ୍ଵ ଠିକ୍ ରୂପେ ତୁଲାଇବାକୁ ନିର୍ଦ୍ଦେଶ ଦେଇଥିଲେ। ବର୍ଷା ଋତୁରେ ନଳକୂପ ବିଶୋଧନ କରିବାକୁ ଗ୍ରାମ୍ୟ ଜଳ ଯୋଗାଣ ଓ ପରିମଳ ନିର୍ବାହୀ ଯନ୍ତ୍ରୀ ଙ୍କୁ ନିର୍ଦ୍ଦେଶ ଦେଇଥିଲେ।ବୈଠକରେ ସି ଡି ଏମ ଓ,ଡି ଡବ୍ଲୁ ଓ, ଡି ପି ଏମ (ଏନ୍ ଏଚ ଏମ), ଡି ଆଇ ପି ଆର୍ ଓ,ଏସ ଇ ଆର୍ ଡ ବ୍ଲୁ ଏସ ଏସ ଓ ଅନ୍ୟ ଅଧିକାରୀ ମାନେ ଉପସ୍ଥିତ ଥିଲେ।
ମସିହା ନିୟୁଜ ସର୍ଭିସ୍
