ଜୟପାଟଣା:୧୬:୦୭:୨୩ଗୁରୁ ବିନା ଜୀବନ ଅସଫଳ ହୋଇଥାଏ । କୁହାଯାଏ ଅନ୍ଧକାର ରୂପି ସାଗରକୁ ଅତିକ୍ରମ କରିବାକୁ ହେଲେ ଗୁରୁଙ୍କ ପରି ଏକ ନୌକାର ଆବଶ୍ୟକତା ରହିଛି । ଗୁରୁ କେବଳ ଆମକୁ ମାର୍ଗଦର୍ଶନ କରନ୍ତି ନାହିଁ, ବରଂ ସବୁବେଳେ ମେରୁଦଣ୍ଡ 
ପରି ଆମ ପଛରେ ଛିଡା ହୁଅନ୍ତି । ଆଜି ସେଇଭଳି ଜଣେ ମହାନ ସାଧକ ସ୍ୱାମୀ ସତ୍ୟାନନ୍ଦ ସରସ୍ବତୀ ମହାରାଜଙ୍କର ୮୧ତମ ଧରାବତରଣ ଦିବସ । ଏହି ପରିପ୍ରେକ୍ଷୀରେ ଜିଲ୍ଲା ତଥା ଜିଲ୍ଲା 
ବାହାରୁ ଅନେକ କାଳୀକୃଷ୍ଣ ସଙ୍ଘ ପ୍ରତିଷ୍ଠାନର ସହସ୍ରାଧିକ ଶ୍ରଦ୍ଧାଳୁ ଜୟପାଟଣା ଠାରେ ଏକତ୍ରୀତ ହୋଇ ନଗର ପରିକ୍ରମା କରିଥିଲେ । ସୁସଜ୍ଜିତ ପଟୁଆରରେ ନିଜ ଗୁରୁ ଏବଂ ଭଗବାନ ଶ୍ରୀକୃଷ୍ଣ ,
ଭଗବାନ ଜଗନ୍ନାଥଙ୍କର ରଥ ସ୍ଥାନୀୟ ଦୁର୍ଗା ମଣ୍ଡପରୁ ବିଶାଳ ସଭାଯାତ୍ରାରେ ବାହାରି ଗିତାଭବନ ପର୍ଯ୍ୟନ୍ତ ଅଣାଯାଇଥିଲା । ଆଗାମୀ ଦିନରେ ସଙ୍ଘ ପାଖରୁ ଅନେକ ଧର୍ମାନୁଷ୍ଠାନ ଉତ୍ସବର ଆୟୋଜନ ହେବାକୁ ନେଇ ସୂଚନା ଦିଆଯାଇଛି ।
ଜଗମୋହନ ପଟ୍ଟନାୟକ, ବରିଷ୍ଠ ସାମ୍ବାଦିକ
