ବାଲେଶ୍ଵର,୧୭/୭/୨୩- ବାଲେଶ୍ଵର ଜିଲ୍ଲା ଖଇରା ସାହିତ୍ୟ ସଂସଦର ବର୍ଷା ଆସର ଖଇରା ଦୁର୍ଗା ମଣ୍ଡପ ପରିସରରେ ଅନୁଷ୍ଠିତ ହୋଇଯାଇଛି । ସଂସଦର ସଭାପତି ମାୟାଧର ନାୟକଙ୍କ ପୌରୋହିତରେ ଅନୁଷ୍ଠିତ ଆସରରେ ସମ୍ପାଦକ ଉମେଶ ଚନ୍ଦ୍ର ନାୟକ ବର୍ଷା ହିଁ ଜୀବନ ଏବଂ ସକଳ ପ୍ରାଣୀର ସ୍ପନ୍ଦନ ଵୋଲି ସୂଚନା ପ୍ରଦାନ କରିଥିଲେ । ପରେ ପରେ କବିତା ପାଠର କାର୍ଯ୍ୟକ୍ରମ ଆରମ୍ଭ ହୋଇଥିଲା । ଉପସ୍ଥିତ କବି ଓ କବୟିତ୍ରୀ ମାନେ ନିଜ ନିଜର ସ୍ବରଚିତ କବିତା ପାଠ କରିଥିଲେ । ଯୁବପିଢ଼ି ସାହିତ୍ୟ ସହିତ ସଂଶ୍ଳିଷ୍ଟ ହେଲେ ସୁନ୍ଦର ସମାଜ ଗଠନ ହୋଇ ପାରିବ ବୋଲି କବି ରଘୁନାଥ ପତ୍ରୀ କହିଥିଲେ । ଅର୍ଜୁନ ଚରଣ ଶିଅଳ ବର୍ଷା ସମ୍ବନ୍ଧରେ ବହୁ ସୁନ୍ଦର ଭାବେ ବକ୍ତବ୍ୟ ରଖିଥିଲେ । ସୁଦୂର କେଉଁଝରରୁ ହରିହର ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗଦେଇ ବର୍ଷା ଏକ ମାନସିକ ଉଦବେଳନ ଓ ଉନ୍ମାଦନା । ଏବଂ ଜୀବନ ପ୍ରଦାନ କରେ । ବର୍ଷା ସ୍ପର୍ଶରେ ଧରଣୀରାଣୀ ସବୁଜ ଶାଢୀ ପିନ୍ଧେ ଵୋଲି ମୁଖ୍ୟ ଅତିଥି ଶ୍ରୀ ପାଣିଗ୍ରାହୀ ବକ୍ତବ୍ୟ ରଖିଥିଲେ । କବିତା ଗୁଡିକୁ ସଂଯୋଜନା କରିଥିଲେ କବୟିତ୍ରୀ ରୀତାରାଣୀ ଦାସ ଏବଂ କବି ଅନନ୍ତ ଉପାଧ୍ୟାୟ । ସମୀକ୍ଷା କରିଥିଲେ ଚିନ୍ତାମଣି ସାହାଣୀ । ଶେଷରେ ଧନ୍ୟବାଦ ଅର୍ପଣ କରିଥିଲେ ଦେବେନ୍ଦ୍ର କୁମାର ରାଉତ । ଅଭିରାମ ମହାପାତ୍ର କାର୍ଯ୍ୟକ୍ରମ ପରିଚାଳନାରେ ପୂର୍ଣ୍ଣ ସହଯୋଗ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
