ଭବାନୀପାଟଣା -15/07-(ରୁପ୍ରା ପ୍ରତିନିଧି ଙ୍କ ରିପୋର୍ଟ )ଭବାନୀପାଟଣା ବ୍ଲକ ଅନ୍ତର୍ଗତ ଉପର କଣ୍ଟାବାଞ୍ଜି ଉ. ପ୍ରା. ବିଦ୍ୟାଳୟ ଠାରେ ଶନିବାର ତେନ୍ତୁଳୀଖୁଣ୍ଟି କ୍ଲଷ୍ଟର ର କ୍ଲଷ୍ଟର ସ୍ତରୀୟ ମାସିକ ବୈଠକ ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବରେ ଅତିରିକ୍ତ ଗୋଷ୍ଠୀଶିକ୍ଷା ଅଧିକାରୀ ଜଗଦିଶ ଚନ୍ଦ୍ର ମୁଣ୍ଡ ଯୋଗ ଦେଇଥିଲେ l ନିପୁଣ ଭାରତ ଯୋଜନା ଅନ୍ତର୍ଗତ ମୌଳିକ ସାକ୍ଷରତl ଓ ସଂଖ୍ୟାଜ୍ଞାନ କାର୍ଯ୍ୟକ୍ରମ ର ସଫଳ ରୂପାୟନ, ପ୍ରଥମ ରୁ ଅଷ୍ଟମ ଶ୍ରେଣୀ ପିଲାଙ୍କର ଶିକ୍ଷଣ ଦକ୍ଷତା ବୃଦ୍ଧି, ଶିକ୍ଷଣ ସାମଗ୍ରୀ ର ଉପଯୁକ୍ତ ବ୍ୟବହାର ଓ ଗୁଣାତ୍ମକ ଶିକ୍ଷାଦାନ ପାଇଁ ଉଦ୍ଦିଷ୍ଟ ଚଳିତ ଶିକ୍ଷା ବର୍ଷର ଏହା ପ୍ରଥମ କ୍ଲଷ୍ଟର ସ୍ତରୀୟ ମାସିକ ବୈଠକ l 2026-27 ସୁଦ୍ଧା ପ୍ରତ୍ୟେକ ପିଲା ତୃତୀୟ ଶ୍ରେଣୀ ସମାପ୍ତି ବେଳକୁ ପଢିବା, ଲେଖିବା ଓ ସଂଖ୍ୟାଜ୍ଞାନରେ ସ୍ଥିରୀକୃତ ଦକ୍ଷତା ହାସଲ କରିବେ l ପ୍ରାକ -ବିଦ୍ୟାଳୟ ଓ ପ୍ରଥମ ଶ୍ରେଣୀ ମଧ୍ୟରେ ଏକ ଦୃଢ ସଂଯୋଗ ସ୍ଥାପନ କରିବା l ଶିକ୍ଷାକୁ ସାମଗ୍ରିକ, ସମନ୍ୱିତ, ଅନ୍ତର୍ନିବେଶି, ଆନନ୍ଦଦାୟକ କରିବା ସହ ଶିକ୍ଷାର୍ଥୀ ଙ୍କ ସମ୍ପୃକ୍ତିକୁ ନିଶ୍ଚିତ କରିବା ଏଫ. ଏଲ. ଏନ. କାର୍ଯ୍ୟକ୍ରମର ଲକ୍ଷ୍ୟ ବୋଲି ମୁଖ୍ୟ ଅତିଥି କହିଥିଲେ l ତେନ୍ତୁଳୀଖୁଣ୍ଟି କ୍ଲଷ୍ଟର ସି. ଆର. ସି. ସି. ସୂର୍ଯ୍ୟନାରାୟଣ ମହାନ୍ତି ମାଗଣା ପୋଷାକ, ଇଉଡାଇସ, ସ୍କୁଲ ଡାଏରୀ ଓ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ସମ୍ପର୍କରେ ଆଲୋଚନା କରିଥିଲେ l ବୈଠକରେ ପ୍ରଧାନଶିକ୍ଷକ ଏମ. ନାଗେଶ୍ୱର ରାଓ ଦୋରା, ପ୍ରତାପ ପଣ୍ଡା, ପ୍ରଶାନ୍ତ ଖମାରୀ ସମେତ ତେନ୍ତୁଳୀଖୁଣ୍ଟି କ୍ଲଷ୍ଟର ର ସମସ୍ତ ପ୍ରଧାନଶିକ୍ଷକ/ଶିକ୍ଷୟିତ୍ରୀ ଉପସ୍ଥିତ ଥିଲେ l ବୈଠକକୁ ଭୀମଡ଼ଙ୍ଗା ସ୍କୁଲ ର ପ୍ରଧାନଶିକ୍ଷକ ଦୁର୍ଯ୍ୟୋଧନ ମାଝୀ ପରିଚାଳନା କରିଥିଲେ ଓ କଣ୍ଟାବାଞ୍ଜି ସ୍କୁଲ ର ପ୍ରଧାନଶିକ୍ଷୟିତ୍ରୀ ସରୋଜିନୀ ହୋତା ଧନ୍ୟବାଦ ଦେଇଥିଲେ l
previous post
next post