ବାଲେଶ୍ଵର,୧୭/୭/୨୩- ବାଲେଶ୍ଵର ଜିଲ୍ଲା ଖଇରା ଜଳସେଚନ ଅଫିସ୍ ସମ୍ମୁଖରେ ଥିବା ଜନଜାଗରଣ ମଞ୍ଚ କାର୍ଯ୍ୟାଳୟ ପରିସରରେ ମଞ୍ଚର ମାସିକ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ରାମକୃଷ୍ଣ ଦାସମହାପାତ୍ର, କମଳଲୋଚନ ଜେନା, ବୁଧିରାମ ପାଣିଗ୍ରାହୀ, ଅଭିରାମ ମହାପାତ୍ର, ଚିନ୍ତାମଣି ସାହାଣୀ, ଦେବେନ୍ଦ୍ର ରାଉତ ପ୍ରମୁଖ ସଭ୍ୟ ମାନେ ଉପସ୍ଥିତ ଥିଲେ । ପ୍ରଥମେ ଓଁ କାର ଧ୍ବନି ପରେ ପଣ୍ଡିତ କୃଷ୍ଣ ଚନ୍ଦ୍ର ପତ୍ରୀ ସମସ୍ତଙ୍କୁ ଅମୃତବାଣୀ ଶୁଣାଇଥିଲେ ।
ପୂର୍ବ ବୈଠକର ବିବରଣୀ ପାଠ କରିଥିଲେ ମଞ୍ଚ ସମ୍ପାଦକ ନିରଞ୍ଜନ ବେହେରା ଓ ସଭାପତି ଉମେଶ ଚନ୍ଦ୍ର ନାୟକ ବୈଠକ ପରିଚାଳନା କରିଥିଲେ । ଅଦ୍ଯ ତା ୧୭/୭/୨୦୨୩ ରିଖରେ ଖଇରା ଠାରେ ଅନୁଷ୍ଠିତ ମିଳିତ ଜନଶୁଣାଣୀରେ ଖଇରା ଅଞ୍ଚଳର ବିଭିନ୍ନ ସମସ୍ୟାର ବିଳମ୍ବ ସମାଧାନ ସମ୍ବନ୍ଧରେ ଜିଲ୍ଲାପାଳଙ୍କୁ ମଞ୍ଚ ତରଫରୁ ଅଭିଯୋଗ ପ୍ରଦାନ କରାଯାଇଥିଲା । ସମସ୍ୟା ଗୁଡିକ ମଧ୍ୟରେ ଖଇରା ବସ୍ ଷ୍ଟାଣ୍ଡରେ ଯାତ୍ରୀ ବିଶ୍ରାମଗାର ନିର୍ମାଣ, ଖଇରା ବଜାରରେ ଡ୍ରେନେଜ ନିର୍ମାଣ, ସବ୍-ଟ୍ରେଜେରୀ ପ୍ରତିଷ୍ଠା, ଏନ ଏ ସି ଏବଂ କୋର୍ଟ ପ୍ରତିଷ୍ଠା ପ୍ରମୁଖ ଅନ୍ତର୍ଭୁକ୍ତ ଥିଲା । ସମସ୍ୟା ବିଷୟରେ ଜିଲ୍ଲାପାଳ ଅବଗତ ହେବାପରେ ତୁରନ୍ତ ଖ ଇରା ବଜାରରେ ବସ୍ ଷ୍ଟାଣ୍ଡ ହେବ ବୋଲି ପ୍ରତିଶ୍ରୁତି ଦେଲେ । ଶେଷରେ କମଳଲୋଚନ ଜେନା ଧନ୍ୟବାଦ ଦେଇଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
