କାମାକ୍ଷାନଗର (ମନିସ )19/7/23 // ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ଭୂଷଳ ଗ୍ରାମର ଅବସ୍ଥା ସୋଚନୀୟ | ଉଭୟ କେନ୍ଦ୍ର ଓ ରାଜ୍ୟ ସରକାର ସାଧାରଣ ଲୋକଙ୍କୁ ସଠିକ ସଡ଼କ ଯୋଗାଇବାକୁ ବିଭିନ୍ନ ଯୋଜନାରେ ଅନ୍ତର୍ଭୁକ୍ତ କରୁଥିବା ବେଳେ ପଞ୍ଚାୟତ ସ୍ତରୀୟ ଜନ ପ୍ରତିନିଧିଙ୍କ ଅପାରଗତା ଯୋଗୁ ଏହି ରାସ୍ତାଟି ଦୀର୍ଘବର୍ଷ ହେଲା ଖାଲ ଖମ ହୋଇ ପଡ଼ିରହିଛି | ଏହି ରାସ୍ତାଟି ଭୂଷଳ ପଂଚାୟତ ଦ୍ୱାରା ନିର୍ମିତ ଝରଣେଶ୍ୱର ଗ୍ରାମୀଣ ଉଦ୍ୟାନକୁ ମୁଖ୍ୟରାସ୍ତା ଅଟେ | ଏହି ରାସ୍ତାରେ ବର୍ଷାଜଳ ଅଧିକମାତ୍ରରେ ପ୍ରବାହିତ ହେଇଥାଏ | ବର୍ଷାଜଳ ନିଷ୍କାସନ ପାଇଁ ସରକାରଙ୍କ ପକ୍ଷରୁ ଲକ୍ଷାଧିକ ଟଙ୍କା ବ୍ୟୟରେ ପ୍ରଧାନମନ୍ତ୍ରୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ ଅସ୍ଥାୟୀ ନାଳ ତିଆରି କରାଯାଇଛି | କିନ୍ତୁ ଏହି ନାଳ ବର୍ଷେ ନପୂରୁଣୁ ପୋତା ପଡିଯାଇଛି | ଫଳରେ ପୂର୍ବବତ ବର୍ଷା ପାଣି ରାସ୍ତାରେ ଯାଇ ଘାଇ ସୃଷ୍ଟି କରୁଛି | ଗ୍ରାମୀଣ ପାର୍କ କୁ ଯାତାୟତ ରେ ବାଧା ସୃଷ୍ଟି ହେଉଛି | ଏନେଇ ଭୂଷଳ ଗ୍ରାମବାସୀ ବାରମ୍ବାର ପ୍ରଶାସନିକ ଅଧିକାରୀଙ୍କୁ ଦାବି ଆପତ୍ତି ଅଭିଯୋଗ କଲେ ବି କୌଣସି ସୁଫଳ ମିଳୁନାହିଁ | ବିଶେଷ କରି ବର୍ଷା ଋତୁରେ ଲୋକଙ୍କ ଦୁର୍ଦଶା ଅତି ଶୋଚନୀୟ ହୋଇ ପଡ଼ିଛି ।
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
