ଭେଜିପଦର -28/07-(ରୁପ୍ରା ପ୍ରତିନିଧି ପ୍ରଦିପ କୁମାର ସେନାପତିଙ୍କ ରିପୋର୍ଟ )ଭବାନୀପାଟଣା ବ୍ଲକ ଅନ୍ତର୍ଗତ ଭେଜିପଦର ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଶୁକ୍ରବାର ସଡ଼କ ସୁରକ୍ଷା ନିୟମ ଉପରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏଥିରେ ବିଦ୍ୟାଳୟ ର ସମସ୍ତ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟତ୍ରୀ ଓ ଅଭିଭାବକ ସାମିଲ ହୋଇଥିଲେ l ପ୍ରଥମେ ପ୍ରଧାନଶିକ୍ଷୟତ୍ରୀ ସ୍ଵର୍ଣ୍ଣଲତା ମହାନ୍ତି ସମସ୍ତଙ୍କୁ ସ୍ୱାଗତ ଜଣାଇ କାର୍ଯ୍ୟକ୍ରମ ର ଆଭିମୁଖ୍ୟ ସମ୍ପର୍କରେ କହିଥିଲେ l ବରିଷ୍ଠ ଶିକ୍ଷକ ପ୍ରଶାନ୍ତ ଖମାରୀ ସୁରକ୍ଷା ପାଇଁ ଥିବା ଟ୍ରାଫିକ ନିୟମ ସମ୍ପର୍କରେ ଉପସ୍ଥିତ ସମସ୍ତଙ୍କୁ ପ୍ରାଞ୍ଜଳ ଭାବରେ ବୁଝାଇଥିଲେ l ଶିକ୍ଷକ ଚିନ୍ମୟ ମହାନ୍ତି ଟ୍ରାଫିକ ନିୟମ ନ ମାନିଲେ କିପରି ଦୁର୍ଘଟଣା ଘଟେ, ତାର ଲାଇଭ ଡେମୋ ଦେଖାଇଥିଲେ l କାର୍ଯ୍ୟକ୍ରମଟିକୁ ସଫଳ କରିବାରେ ସହକାରୀ ଶିକ୍ଷୟତ୍ରୀ ମିନତୀ ସାହୁ ଓ ସ୍ଵାଗତିକା ନେଗୀ ସହଯୋଗ କରିଥିଲେ l ଶେଷରେ ବିଦ୍ୟାଳୟ କ୍ୟାବିନେଟ ର ପ୍ରଧାନମନ୍ତ୍ରୀ ମାନସ ତାଣ୍ଡି ସମସ୍ତଙ୍କୁ ଧନ୍ୟବାଦ ଦେଇଥିଲେ l
