ବାଲେଶ୍ଵର,୧୧/୮/୨୩- ପଞ୍ଚାୟତ ନିର୍ବାହୀ ଅଧିକାରୀଙ୍କ କଳା ବ୍ଯାଚ ଧାରଣ ସାରା ଓଡିଶାରେ ଜାରି ରହିଥିବା ବେଳେ ଆଜି ବାଲେଶ୍ଵର ଜିଲ୍ଲା ଖଇରା ବ୍ଲକରେ ଦେଖିବାକୁ ମିଳିଛି । ବ୍ଲକର ବିଭିନ୍ନ ପଞ୍ଚାୟତରେ କାର୍ଯ୍ୟରତ ଥିବା ପଞ୍ଚାୟତ ନିର୍ବାହୀ ଅଧିକାରୀ ମାନେ କଳାବ୍ଯାଜ୍ ଧାରଣ କରି କାର୍ଯ୍ୟ କରୁଛନ୍ତି । ଆଗାମୀ ଦିନରେ ଯଦି ସରକାର ଦାବି ପୂରଣ ନ କରନ୍ତି, ତାହେଲେ କାର୍ଯ୍ୟ ବନ୍ଦ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି ।
ସେମାନଙ୍କର ଦାବି ଗୁଡ଼ିକ ମଧ୍ୟରେ ଦରମା ବୃଦ୍ଧି, ଶିକ୍ଷାଗତ ଯୋଗ୍ୟତା ଯୁକ୍ତ ଦୁଇ ପରିବର୍ତ୍ତେ ସ୍ନାତକ ଏବଂ ଓଡ଼ିଆରଏସ କ୍ୟାଡ଼ର ଅନ୍ତର୍ଭୁକ୍ତ କରାଯାଉ ବୋଲି ପ୍ରକାଶ କରିଛନ୍ତି । ଏହା ଗତ ତା ୦୭/୮/୨୩ ତାରିଖରୁ ଆରମ୍ଭ ହୋଇଛି । ଆସନ୍ତା ତା ୧୭/୮/୨୩ ତାରିଖ ପର୍ଯ୍ୟନ୍ତ କଳାବ୍ଯାଜ୍ ଧାରଣ ଜାରି ରହିବ । ତାପରେ ସରକାର ଯଦି ସେମାନଙ୍କ ଦାବି ନ ମାନନ୍ତି ସେମାନେ ଆସନ୍ତା ଅଗଷ୍ଟ ମାସ ୧୮ ତାରିଖରୁ କାର୍ଯ୍ୟବନ୍ଦ ଆନ୍ଦୋଳନ କରିବେ ବୋଲି ପ୍ରକାଶ କରିଛନ୍ତି । ଏଥିରେ ପଞ୍ଚାୟତ ନିର୍ବାହୀ ଅଧିକାରୀ ସଂଘର ସଭାପତି ଆଶିଷ କୁମାର ଜେନା, ସମ୍ପାଦକ ଜ୍ୟୋତି ପ୍ରକାଶ ବେହେରାଙ୍କ ସମେତ ବିଭିନ୍ନ ପଞ୍ଚାୟତର କାର୍ଯ୍ୟରତ ପଞ୍ଚାୟତ ନିର୍ବାହୀ ଅଧିକାରୀ ମାନେ ଏହି କାର୍ଯ୍ୟ ବନ୍ଦ ଡାକରାରେ ଯୋଗ ଦେବେ ବୋଲି ପ୍ରକାଶ କରିଛନ୍ତି । ଏହିପରି ରାଜ୍ୟର ସମସ୍ତ ବ୍ଲକରେ ଜାରି ରହିଥିବାର ଖବର ସଂଗ୍ରହରୁ ଜଣାପଡିଛି ।।