ମୟୂରଭଞ୍ଜ- ୨୭/୮ ( ମସିହା)ମୟୂରଭଞ୍ଜ ଜିଲ୍ଲାର ଫୁଟବଲ୍ ଏନ୍ତୁଡ଼ିଶାଳ ଵାମନଘାଟୀ ଉପଖଣ୍ଡ ।ଖେଳ ଜୀବନକୁ ସରଳ,ସୁନ୍ଦର, ଶୃଙ୍ଖଳିତ କରିଥାଏ ଓ ଶାନ୍ତି ଓ ଖୁସି ଆଣି ଦେଇଥାଏ।ଓଡିଶାର ଅଗ୍ରଣୀ ଫୁଟବଲ କ୍ରୀଡା ଅନୁଷ୍ଠାନ ବଆମନଘଆଟଈ ଫୁଟବଲ ଆସୋସିଏସନ୍ ଆନୁକୁଲ୍ୟରେ ବାମନଘାଟୀ ଫୁଟବଲ ଚମ୍ପିୟାନ ସିପ୍ ୨୦୨୩-୨୪ ଵର୍ଷ ପାଇଁ ଏକ ଦିବସୀୟ ଆନ୍ତଃ ରାଜ୍ୟ ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ରାଇରଙ୍ଗପୁର ଷ୍ଟାଡିୟମ ପଡ଼ିଆରେ ରବିବାର ଦିନ ଅନୁଷ୍ଠିତ ହୋଇଯାଇଛି ।ଏଥିରେ ଜିଲ୍ଲା,ପଡୋଶୀ ଜିଲ୍ଲା ସମେତ ଆନ୍ତଃରାଜ୍ୟ ର ୧୬ ଟି ବଛା ବଛା ଫୁଟବଲ କ୍ରୀଡା ଅନୁଷ୍ଠାନ ଅଂଶ ଗ୍ରହଣ କରି ଫୁଟବଲ ଖେଳର ନୈପୁଣ୍ୟତା ପ୍ରଦର୍ଶନ କରିଥିଲେ । ଏହି ଚିତ୍ତାକର୍ଷକ ଫାଇନାଲ ଖେଳରେ ପଡୋଶୀ ରାଜ୍ୟ ଝାଡ଼ଖଣ୍ଡର ଟାଟା – ଟେଲକୋ ଟାଇବ୍ରେକରେ କେନ୍ଦୁଝର ଟିମ୍ କୁ ୪/୩ ରେ ହରାଇ ଚମ୍ପିୟାନ ଅର୍ଜନ କରିଥିଲା । ଆଜିର ଖେଳକୁ ରାଇରଙ୍ଗପୁର ବିଡ଼ିଓ ସାଗର ମୁର୍ମୁ ଉଦଘାଟନ କରିଥିଲେ ।ଖେଳରେ ରେଫେରୀ ଭାବେ ସୀତାରାମ ସୁଲତାନ ହାଁସଦା,ହାଜମ ମାରାଣ୍ଡି ,ବାପୁନ୍ ମହାନ୍ତ,ନିତିଶ ମାଝୀ ଦାୟୀ ପ୍ରମୁଖ ତୁଲାଇଥିଲେ। ମଂଚ ପରିଚାଳନା ଓ ଖେଳ ଉଦଘୋଷକ ଥିଲେ ଦୁଷ୍ମନ୍ତ ବସା,ମନମୋହନ ପରମାଣିକ । ଉଦଯାପନ ରେ ମୁଖ୍ୟ ଅତିଥି ରାଇରଙ୍ଗପୁର ବିଧାୟକ ନବ ଚରଣ ମାଝୀ, ସମ୍ମାନିତ ଅତିଥି ଗୋପାଲ ବେଶ୍ରା,ସମ୍ମାନିତ ଅତିଥି କୁସୁମି ବିଡ଼ିଓ ଧାନାଇ ଟୁଡୁ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଫୁଟବଲ ଖେଳରେ ପ୍ରଥମ ଚମ୍ପିୟାନ ଦଳ ଟାଟା ଟେଲକୋ କୁ ୧୫ ହଜାର,୨ୟ କେନ୍ଦୁଝର ଜିଲ୍ଲାକୁ ୧୦ ହଜାର,୩ ୟ ଜାମଦା ଏକାଦଶକୁ ୮ ହଜାର ଏବଂ ୪ ର୍ଥ ଦଳ ଭାଲୁଵଷା ଟିମକୁ ୫ ହଜାର ଟଙ୍କା ଅର୍ଥ ରାଶି ଅତିଥି ଗଣ ପୁରସ୍କୃତ କରିଥିଲେ ।ବାମନଘାଟୀ ଫୁଟବଲ ଆସୋସିଏସନ୍ ର କର୍ମକର୍ତ୍ତା ଅଁଇଠୁ ମାଝୀ, ଦିଲିପ ମହାନ୍ତି,କିଶୋର ମହାନ୍ତ,ବୀରେନ୍ଦ୍ର ନାଥ ମହାନ୍ତ,ଅଜିତ ବାସ୍କେ,ଲମ୍ବୋଧର ସୋରେନ,ସାହିବା ମାଝୀ,ପରମେଶ୍ବର ସୋରେନ,ଦିଲିପ ମାଝୀ, ଶଙ୍କର ମୁର୍ମୁ ପ୍ରମୁଖ ପରିଚାଳନାରେ ସହଯୋଗ କରିଥିଲେ ।ହଜାର ହଜାର ଦର୍ଶକ ପଡିଆର ଚାରିପାଖରେ ରହି ଖେଳ ଉପଭୋଗ କରିଥିଲେ । ସମଗ୍ର ଅଂଚଳ ଫୁଟବଲ ପରିବେଶ ହୋଇ ଉଠିଥିଲା ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
