ହେ ମହାବାହୁ
ବାସନ୍ତୀ ଲତା ଜେନା
ଆହେ ମହାବାହୁ କରୁଣା ସାଗର
ଶ୍ରୀପୟରେ ଲୟ ରହୁ
ତୁମେ ଆଦି ଅନ୍ତ ପରମ ପୁରୁଷ
ସେବା ଆଶୀର୍ବାଦ ହେଉ l ୧l
କରି ଦିଅ ପ୍ରଭୁ ତୁଳସୀ ପତ୍ରଟେ
ତୁମ ସେବାରେ ଲାଗିବି
ଦୟଣା ମାଳରେ ଗଳାରେ ଝୁଲିବି
ମଣୋହିରେ ଲାଗୁ ଥିବି l୨l
ଚନ୍ଦନ କାଠଟେ କରି ଦିଅ ପ୍ରଭୁ
ପେଡ଼ିରେ ମୁଁ ଘୂରି ହେବି
ତୁମ କପାଳରେ ଟିପି ଟିପି ହୋଇ
ଶୋଭା ବର୍ଦ୍ଧନ କରିବି l୩l
ଟିକି ଟିକି ଫୁଲ କରି ଦିଅ ମୋତେ
ତୁମ ପାଖରେ ରହିବି
ଫୁଲରେ ସଜାଇ କଳା ସାଆନ୍ତକୁ
ନିରେଖି ଯେ ଦେଖୁ ଥିବି l୪l
ଶୟନେ ସପନେ ଅବା ଜାଗରଣେ
ମୋ ନୟନ ଦେଖେ ତୁମେ
ତୁମେ ଦୀନ ବନ୍ଧୁ କରୁଣାର ସିନ୍ଧୁ
କୃପା ତୁମ ମର୍ତ୍ତ୍ୟ ଧାମେ l୫l
ବିଶ୍ୱାସରେ ତୁମେ ହୃଦୟରେ ତୁମେ
ଆଶା ଓ ଭରସା ମୋର
ଆବେଗରେ ତୁମେ ସ୍ପନ୍ଦନରେ ତୁମେ
ତୁମେ ମୋ ପ୍ରିୟ ଠାକୁର l୬l
ତୁମେ ମହାବାହୁ ପତିତପାବନ
ପାତକ ବିନାଶ କର
ଅଖିଳର ପତି ଜୀବନର ଗତି
ତୁମ ପାଇଁ ଏ ସଂସାର l୭l
ଅଧମ ଅକ୍ଷମ ନାହିଁ ଜ୍ଞାନ ମୋର
ଜାଣେ ନାହିଁ ପାପ ପୂଣ୍ୟ
ଯେଉଁ ପଥେ ପ୍ରଭୁ ପଥ ଦେଖାଇବ
ସେ ପଥେ କଟିବ ଦିନ l୮l
ଦରଶନେ ଯଦି ମିଳି ଯାଏ ମୁକ୍ତି
କରୁଣା ମାଗିବି ନାହିଁ
ଯିବ ଯିବା ବେଳେ ପାଶେ ମୋର ଥିବ
ମିନତୀ କଳା ଗୋସାଇଁ l୯l
ଗାନ୍ଧୀନଗର, ପୋଷ୍ଟ / ଜିଲ୍ଲା : ନବରଙ୍ଗପୁର
