ଜିଲ୍ଲା ସ୍ତରୀୟ ନିର୍ବାଚନ ପରିଚାଳନା ବୈଠକ ଅନୁଷ୍ଠିତ
ଢେଙ୍କାନାଳ (ମନିସ )14/9/23 // ଆଜି ପୂର୍ବାହ୍ନରେ ଜିଲ୍ଲାପାଳ କାର୍ଯ୍ୟାଳୟସ୍ଥିତ ସଦଭାବନା ସଭାଗୃହରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀଙ୍କ ଅଧକ୍ଷତା ରେ ଆଗାମୀ ବିଧାନ ସଭା ଓ ଲୋକ ସଭା ନିର୍ବାଚନ ପାଇଁ ଜିଲ୍ଲା ସ୍ତରୀୟ ନିର୍ବାଚନ ପରିଚାଳନା ବୈଠକ ଅନୁଷ୍ଠିତ ହୋଇଯାଇଛି l “ନିର୍ବାଚନ ହେଉଛି ଗଣତାନ୍ତ୍ରିକ ରାଷ୍ଟ୍ରର ସବୁଠୁ ଗୁରୁତ୍ୱପୂର୍ଣ ବିଷୟ l ନିର୍ବାଚନ କାର୍ଯ୍ୟ ସୂଚାର ରୂପେ ପରିଚାଳନା କରିବା ସମସ୍ତ ସରକାରୀ କର୍ମଚାରୀଙ୍କ ଜାତୀୟ କର୍ତ୍ତବ୍ୟ ତଥା ପ୍ରଥମିକତା “ବୋଲି ଜିଲ୍ଲାପାଳ କହିଛନ୍ତି l
ଏହି ବୈଠକରେ ବିଭିନ୍ନ ବିଭାଗର ଅଧିକାରୀ ମାନଙ୍କୁ ରାଜ୍ୟ ସ୍ତରୀୟ ପ୍ରଶିକ୍ଷକ ସୁଶ୍ରୀ ସଞ୍ଜୀବିତା ରାୟ (ଡେପୁଟି କମିଶନର, କଟକ ମହାନଗର ନିଗମ ) ନିର୍ବାଚନ ପରିଚାଳନା ସମ୍ପର୍କରେ ପ୍ରଶିକ୍ଷଣ ଦେଇଥିଲେ lସେ ପ୍ରଥମେ ନିର୍ବାଚନ ସମୟରେ ସରକାରୀ କଳ ର କାର୍ଯ୍ୟାବଳୀ ସମ୍ପର୍କରେ ଅଧିକାରୀ ମାନଙ୍କୁ କହିଥିଲେ l ଏହାପରେ ସେ ଜିଲ୍ଲାର ମହିଳା ମତଦାତା ମାନଙ୍କ ସଂଖ୍ୟା ବିଷୟରେ ଆଲୋଚନା କରିଥିଲେ ଏବଂ ସେମାନଙ୍କ ସଂଖ୍ୟା କିପରି ବୃଦ୍ଧି କରାଯାଇପାରିବ ଏବଂ ଏଇ ଦିଗରେ” ମୁଁ ବି ମିତା “ନାମକ ଏକ ସରକାରୀ କାର୍ଯ୍ୟକ୍ରମ ଚାଲୁରହିଛି ଯାହା କି ନୂତନ ମହିଳା ମତଦାତା ମାନଙ୍କ ଭୋଟର ଲିଷ୍ଟରେ ପଞ୍ଜିକରଣ ପାଇଁ କାର୍ଯ୍ୟ କରୁଛି ବୋଲି କହିଥିଲେ l ଏହାପରେ ସେ ଇଭିଏମ ର ସୁପରିଚାଳନା ପାଇଁ ଅଧିକାରୀମାନଙ୍କୁ ଆଗାମୀ ଦିନରେ ପ୍ରଶିକ୍ଷଣ ଦିଆଯିବ ବୋଲି କହିଥିଲେ ଏହାସହ ସେ ଏବେଠାରୁ ଜିଲ୍ଲାରେ ଥିବା ସମସ୍ତ 1020 ପୋଲିଙ୍ଗ ବୁଥ ଗୁଡିକୁ ବି. ଡି. ଓ.ମାନେ ପରିଦର୍ଶନ କରି ସେଠି ସମସ୍ତ ପ୍ରକାର ସୁବିଧା କରେଇବା ଯେପରି କେଉଁ କକ୍ଷ ରେ ଭୋଟ ଗ୍ରହଣ କରାଯିବ, ଭୋଟ ଗ୍ରହଣ ପାଇଁ ଯାଇଥିବା କର୍ମଚାରୀ କେଉଁଠି ରହିବେ, ଶୌଚାଳୟ ର ବ୍ୟବସ୍ଥା, ବିଦ୍ୟୁତକରଣ ର ବ୍ୟବସ୍ଥା ଆଦି ସମ୍ପର୍କ ରେ ବୁଝିବେ l ଏଥିପାଇଁ ସେ ବି. ଡି. ଓ, ତହସିଲଦାର ଓ ସ୍ଥାନୀୟ ଥାନାର ଭାରପ୍ରାପ୍ତ ଅଧିକାରୀ ମିଳିତ ଭାବେ ଗୋଟେ ଟିମ ଗଠନ କରି ଏଇ ବିଷୟରେ କାର୍ଯ୍ୟକ୍ରମ କରିବାକୁ ସେ ପରାମର୍ଶ ଦେଇଛନ୍ତି l ଏହାସହିତ ଯେଉଁ ବ୍ୟକ୍ତି ମାନେ ରୋଗଶଯ୍ୟା ରେ ଅଛନ୍ତି କିମ୍ବା 80 ପ୍ରତିଶତ ରୁ ଅଧିକ ଦିବ୍ୟାଙ୍ଗ ଯେଉଁ ମାନେ ବୁଥ ପର୍ଯ୍ୟନ୍ତ ଆସିପାରିବେ ନାହିଁ ସେମାନଙ୍କ ଭୋଟ ସେମାନଙ୍କ ଘରୁ କିପରି ଗ୍ରହଣ କରାଯାଇପାରିବ ସେ ବିଷୟରେ କହିଥିଲେ l
ଶେଷରେ ସେ କହିଥିଲେ ଅଧିକରୁ ଅଧିକ ଲୋକ ଯେପରି ଭୋଟ ଦେଇପାରିବେ ସେ ବିଷୟରେ ଲୋକଙ୍କୁ ସଚେତନ କରାଇବା ଏବଂ ଆଦିବାସୀ ଲୋକମାନଙ୍କୁ ମୁଖ୍ୟତଃ ଏଇ ଦିଗରେ କିପରି ସଚେତନ କରାଯାଇପାରିବ ସେ ଦିଗରେ ଧ୍ୟାନ ଦେବାକୁ ସେ ପରାମର୍ଶ ଦେଇଥିଲେ lବୈଠକ ଶେଷରେ ଅତିରିକ୍ତ ଜିଲ୍ଲାପାଳ ଲଳିତ ମୋହନ ବେହେରା (ରାଜସ୍ବ )ଧନ୍ୟବାଦ ଅର୍ପଣ କରିଥିଲେ lଏହି ବୈଠକରେ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ଜ୍ଞାନ ରଞ୍ଜନ ମହାପାତ୍ର, ,ଜିଲ୍ଲାପରିଷଦ ନିର୍ବାହୀ ଅଧିକାରୀ ଶ୍ରୀ ଜ୍ୟୋତି ଶଙ୍କର ସାହୁ,ଉପଜିଲ୍ଲାପାଳ କାମାକ୍ଷାନଗର ଶ୍ରୀ ନାରୟଣ ଚନ୍ଦ୍ର ନାୟକ , ହିନ୍ଦୋଳ ଉପଜିଲ୍ଲାପାଳ ଶ୍ରୀ ଶିବାନନ୍ଦ ସ୍ୱାଇଁ, ଏବଂ ସମସ୍ତ ବି. ଡି. ଓ, ତହସିଲଦାର ଓ ସମ୍ପୃକ୍ତ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ l
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
