ଫୁଟବଲ ମହାକୁମ୍ବ ର ସାମ୍ବାଦିକ ସମ୍ମିଳନୀ
ନୂଆପଡା ଜିଲ୍ଲା ଖଡ଼ିଆଳ ଠାରେ ଆଗାମୀ ସେପ୍ଟେମ୍ବର ୨୫ ଦିନଠାରୁ ହେବାକୁ ଥିବା ଫୂଟବଲ ମହାକୁମ୍ଭ ନେଇ ଖଡ଼ିଆଳ କ୍ରିକେଟ ଏସୋସିଏସନ (କେସିଏସଏ) କମିଟି ପକ୍ଷରୁ ସାମ୍ବାଦିକ ସମ୍ମିଳନୀ ଖଡ଼ିଆଳ ସାସ୍କୃତିକ ଅନୁଷ୍ଠାନ ଠାରେ ଅନୁଷ୍ଠିତ ହୋଇ ଯାଇଛି । ଏହି ଫୁଟବଲ ମହାକୁମ୍ଭରେ ଜିଲ୍ଲାର ଖଡ଼ିଆଳ, ବୋଡେ଼ନ ଓ ସିନାପାଲି ବ୍ଲକର ୭୦ ଗୋଟି ପଞ୍ଚାୟତ ଭାଗନେବେ ଓ ୬୯ ଗୋଟି ମ୍ୟାଚ ହେବ । ଏହି ଫୂଟବଲ ମହାକୁମ୍ଭ କେ ସି ଏସ ଏ ସଭାପତି ତଥା ଖଡ଼ିଆଳ ବିଧାୟକ ଅଧିରାଜ ମୋହନ ପାଣିଗ୍ରାହୀଙ୍କ ପ୍ରତ୍ୟକ୍ଷ ନେତୃତ୍ୱରେ ହେବ । ସେପ୍ଟେମ୍ବର ୨୫ 
ଉଦଘାଟନୀ ଦିନ ସମଲେଶ୍ବରୀ ମନ୍ଦିରରୁ ବିଶାଳ ମଶାଲ ଶୋଭାଯାତ୍ରାରେ ବାହାରି ଖେଳ ପଡିଆରେ ମଶାଲ ସ୍ଥାପନ କରାଯିବ । ଶୋଭାଯାତ୍ରାରେ ସାସ୍କୃତିକ କାର୍ଯ୍ୟକ୍ରମ, ଘୁମୁରା, ଦୁଲଡୁଲି ବାଦ୍ୟ ସହିତ ସମ୍ବଲପୁରୀ ଗାଇକା ଅର୍ଚ୍ଚନା ପାଢ଼ୀ ଯୋଗ ଦେବାର କାର୍ଯ୍ୟକ୍ରମ ରହିଛି । ମ୍ୟାଚର ପ୍ରତ୍ୟେକ ଦିନ ବିଶିଷ୍ଟ ବ୍ୟକ୍ତିମାନେ ଯୋଗ ଦେଇ ଖେଳାଳି ମାନଙ୍କୁ ଉତ୍ସହିତ କରିବେ । ଫୂଟବଲ ମହାକୁମ୍ଭରେ ଭାଗନେଇଥିବା ସମସ୍ତ ଫୂଟବଲ ଟିମକୁ ଡ୍ରେସ ଓ ବୁଟ ପ୍ରଦାନ କରାଯିବ । ଏଥିରେ କେବଳ ନିଜ ପଞ୍ଚାୟତର ଖେଳାଳି ଭାଗ ନେଇ ପାରିବେ । ପ୍ରତ୍ୟକ ଦିନ ଦିବାରାତ୍ର ସାଢେ ଚାରି ଘଣ୍ଟାରୁ ରାତ୍ର ଆଠ ଘଣ୍ଟା ପର୍ଯ୍ୟନ୍ତ ଚାରୋଟି ଖେଳ ହେବ ଓ ଛୁଟି ଦିନ ଗୁଡିକରେ ଛଅ ଗୋଟି ମ୍ୟାଚ ହେବାକୁ ଥିବାବେଳେ ଅକ୍ଟୋବର ୧୨ ତାରିଖ ସନ୍ଧ୍ୟା ୫ ଘଣ୍ଟା ସମୟରେ ଫାଇନାଲ ମ୍ୟାଚ ଅନୁଷ୍ଠିତ ହେବ । ଭାଗ ନେଇଥିବା ସମସ୍ତ ଫୂଟବଲ ଟିମକୁ ସ୍ମାରକୀ ଟ୍ରଫି ପ୍ରଦାନ ସହିତ ଭଲ ଖେଳାଳି ମାନଙ୍କୁ ପ୍ରତ୍ୟେକ ଦିନ ସଂମ୍ମାନୀତ କରାଯିବ । ବିଜୟୀ ଟିମକୁ ୫୧ ହଜାର ଟଙ୍କା ଓ ଉପ ବିଜେତା ଦଳକୁ ୩୧ ହଜାର ଟଙ୍କା ଓ ଟ୍ରଫି ପ୍ରଦାନ କରାଯିବ । ମହାକୁମ୍ଭରେ ଭାଗ ନେଇଥିବା ସତୁରି ଗୋଟି ଟିମରୁ ତିରିଶ ଜଣ ଭଲ ଖେଳାଳି ଚୟନ କରି ରାଜ୍ୟ ତଥ୍ୟ ଜାତୀୟ ଖେଳ ପାଇଁ ତାଲିମ ପ୍ରଦାନ କରାଯିବର ଲକ୍ଷ ରଖା ଯାଇଛି । ଏହି ଫୂଟବଲ ମହାକୁମ୍ଭର ଉଦ୍ଦେଶ୍ୟ ଖଡ଼ିଆଳ ଅଞ୍ଚଳରେ ଫୂଟବଲ ଖେଳର ବିକାଶ କରିବା । ଫୂଟବଲ ମହାକୁମ୍ଭକୁ ସମସ୍ତ ସରପଞ୍ଚ, ସମିତି ସଭ୍ୟ, ଜିଲ୍ଲା ପରିଷଦ ସମ୍ପୂର୍ଣ୍ଣ ସହଯୋଗ କରିବେ । ଏହି ସାମ୍ବାଦିକ ସମ୍ମିଳନୀରେ ବରିଷ୍ଠ ସଦସ୍ୟ ଜିତେନ୍ଦ୍ରନାଥ ପଟ୍ଟନାୟକ, କେସିଏସଏ ସମ୍ପାଦକ ଛବି ସାଗର, ଶିକ୍ଷାବିତ୍ତ ସତୀଶ ପଟ୍ଟନାୟକ, ଆଇନଜୀବୀ ଗିରିଧାରୀ ବିଭାର, ସନ୍ତୋଷ ପଟ୍ଟନାୟକ ଫିରୋଜ ଖାନ ସମେତ ଖଡ଼ିଆଳ କେ ସି ଏସ ଏ ଫୂଟବଲ ଟିମର ବହୁ ସଦସ୍ୟ ଯୋଗ ଦେଇଥିଲେ ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍
