ଦୁର୍ନୀତି ଓ ଭ୍ରଷ୍ଟାଚାର ବିରୋଧରେ କାମାକ୍ଷାନଗର ବିଜେପି ପକ୍ଷରୁ ଗାଦି ଛାଡ଼ ଆନ୍ଦୋଳନ
କାମାକ୍ଷାନଗର (ମନିସ )21/9/23 //ଭାରତୀୟ ଜନତା ପାର୍ଟି , ଓଡ଼ିଶା ପକ୍ଷରୁ ରାଜ୍ୟର ପ୍ରତ୍ୟେକ ପଞ୍ଚାୟତ ଓ ପଞ୍ଚାୟତ ସମିତି କାର୍ଯ୍ୟାଳୟ ସମ୍ମୁଖରେ ଆନ୍ଦୋଳନ ଦେଖିବାକୁ ମିଳୁଛି । ସେହିପରି କାମାକ୍ଷାନଗର ନିର୍ବାଚନ ମଣ୍ଡଳୀ ଅନ୍ତର୍ଗତ ପଞ୍ଚାୟତ ଓ ପଞ୍ଚାୟତ ସମିତି କାର୍ଯ୍ୟାଳୟ ସମ୍ମୁଖରେ ଏହି ଆନ୍ଦୋଳନ ହେଉଛି । ରାଜ୍ୟ ବିଜେପି କାର୍ଯ୍ୟକାରିଣୀ ସଦସ୍ୟ ତଥା କାମାକ୍ଷାନଗର ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥୀ ଶ୍ରୀ ଶତୃଘ୍ନ ଜେନା ମହୋଦୟଙ୍କ ନେତୃତ୍ୱରେ ହେଉଛି ଏହି ଆନ୍ଦୋଳନ । ଆଜି ସ୍ଥାନୀୟ ବାଲିବୋ ଓ ଏକତାଳୀ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ବିଜେପି ଦଳର ନେତା ଓ କର୍ମୀଙ୍କୁ ନେଇ ଆନ୍ଦୋଳନ କରାଯାଇଛି । ଏହି ଆନ୍ଦୋଳନରେ ଶ୍ରୀ ଜେନା ମଧ୍ୟ ସାମିଲ ହୋଇ ରାଜ୍ୟ ସରକାର 
ସ୍ଥାନୀୟ ପ୍ରଶାସନ ଉପରେ ପ୍ରବଳ ବର୍ଷିଛନ୍ତି । ରାଜ୍ୟରେ ହେଉଥିବା ଦୁର୍ନୀତି ଓ ଭ୍ରଷ୍ଟାଚାରରେ ଆମୂଳଚୁଳ ସମସ୍ତେ ସମ୍ପୃକ୍ତ ଅଛନ୍ତି ବୋଲି ସେ କହିଛନ୍ତି । ବିଜେଡ଼ି ଦଳର ଲୋକପ୍ରତିନିଧି ଓ ସ୍ଥାନୀୟ ପ୍ରଶାସନ ମିଳିତ ଭାବେ ଜନସାଧାରଣଙ୍କୁ ଶୋଷଣ କରୁଛନ୍ତି । ଏଭଳି ଅନେକ ସମାଲୋଚନା କରିବା ସହିତ ବିଜେଡ଼ି ସରକାର ଗାଦି ଛାଡ଼ ବୋଲି ଆହ୍ବାନ ଦେଇଥିଲେ । ଆନ୍ଦୋଳନରେ କାମାକ୍ଷାନଗର ନିର୍ବାଚନ ମଣ୍ଡଳୀ ସଂଯୋଜକ ଶ୍ରୀ ଜଗବନ୍ଧୁ ପୃଷ୍ଟି , ମହୁଲପାଳ (ବି) ମଣ୍ଡଳ ସଭାପତି ଶ୍ରୀ ଚୈତନ୍ୟ ବେହେରା , ବାରୁଆଁ (ବି) ମଣ୍ଡଳ ସଭାପତି ଶ୍ରୀ ସଞ୍ଜୟ ଦାଶ , ସୌମ୍ୟକାନ୍ତ ନାୟକ, କୁନା ମିଶ୍ର ଓ ବାବୁରାମ ସ୍ବାଇଁ ପ୍ରମୁଖ ଉପସ୍ଥିତ ଥିଲେ । ବିଜେପି ଦଳର ସ୍ଥାନୀୟ ଅନେକ କର୍ମୀ ଏହି ଗାଦି ଛାଡ଼ ଆନ୍ଦୋଳନରେ ସାମିଲ୍ ହୋଇ ଆନ୍ଦୋଳନକୁ ସଫଳ କରିଥିଲେ ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
