୧୫ ଦିନରେ ପହଞ୍ଚିଲା ଜୁନାଗଡ଼କୁ ଜିଲ୍ଲା ମାନ୍ୟତା ଦାବୀ
ଜିଲ୍ଲା ମାନ୍ୟତା ଘୋଷଣା ପାଇଁ ମାଁ ଲଙ୍କେଶ୍ୱରୀ ସରକାରଙ୍କୁ ସତବୁଦ୍ଧି ଦିଅନ୍ତୁ : କ୍ରିୟାନୁଷ୍ଠାନ କମିଟି
ଜୁନାଗଡ଼୨୩/୯(ମ ନି ସ) : ଜୁନାଗଡ଼କୁ ଜିଲ୍ଲା ମାନ୍ୟତା ଦାବୀ ନେଇ ଜୁନାଗଡ଼ ବାସୀଙ୍କ ଧାରଣା ଆଜି ୧୫ ଦିନରେ ପହଞ୍ଚିଛି । ନୂଆଖାଇ ପାଇଁ ଧାରଣାକୁ ସ୍ଥଗିତ ରଖାଯିବା ପରେ ଆଜି ପୁଣିଥରେ ଗଣଧାରଣା ଆରମ୍ଭ ହୋଇଛି । ଜୁନାଗଡ଼ ହେଉଛି ପୁରୁଣା ରାଜଧାନୀ । ସେହି ଅନୁସାରେ ପଞ୍ଚମି ତିଥିରେ ନୁଆଁଖାଇ ପାଇଁ ଜୁନାଗଡ଼ ସ୍ଥିତ ଦଧିବାମନ ମନ୍ଦିରରେ ଲଗ୍ନ ନିର୍ଧାରଣ କରାଯାଇଥାଏ । ଫଳରେ କଳାହାଣ୍ଡି ଜିଲ୍ଲାର ଗଡ଼ଜାତ ଅଞ୍ଚଳକୁ ଛାଡି ଏହି ଲଗ୍ନ ଅନୁସାରେ ,ଧର୍ମଗଡ଼, ଜୁନାଗଡ଼, କୋକସରା, କଲମପୁର, ଗୋଲାମୁଣ୍ଡା ବ୍ଲକ ର ଲୋକେ ନୂଆଁଖାଇ ଥାନ୍ତି । ଏବେବି ସେହି ଅତୀତର ପରମ୍ପରାକୁ ବଜାଇ ରଖାଯାଇଛି । ତେଣୁ ଜୁନାଗଡ଼କୁ ଜିଲ୍ଲା ମାନ୍ୟତା ଘୋଷଣା ନେଇ ପ୍ରଭୁ ଦଧିବାମନ ଓ ମାଁ ଲଙ୍କେଶ୍ୱରୀ ରାଜ୍ୟ ସରକାରଙ୍କୁ ସତବୁଦ୍ଧି ଦିଅନ୍ତୁ ବୋଲି କ୍ରିୟାନୁଷ୍ଠାନ କମିଟି ପକ୍ଷରୁ ଉଦବୋଧନ ଦେଇଥିଲେ । କ୍ରିୟାନୁଷ୍ଠାନ କମିଟିର ଆବାହକ ହିମାଂଶୁ ଶେଖର ବରାଡ଼ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବିକ୍ଷୋଭ ସଭାରେ ପ୍ରଭାତ କୁମାର ଦାଶ, ସନ୍ଦୀପ ସାହୁ, ସଞ୍ଜୟ ଅଗ୍ରୱାଲ, ସୁଜିତ ପଣ୍ଡା, କାଶୀନାଥ ଘି, ଅବିନାଶ ମୁଣ୍ଡ, ଶ୍ରମିକ ନେତାବିରଞ୍ଚି ପଣ୍ଡା, ଆଦିତ୍ୟ ମହାନ୍ତି, ଅଶୋକ କୁମାର ପାତ୍ର, ଦିପେନ କୁମାର ସାହୁ,ପ୍ରମୋଦ ବେହେରା, ତାରା ପ୍ରସାଦ ରାୟଗୁରୁ, ରାଜେନ୍ଦ୍ର ମେହେର, ଶୁଶୀଳ ପାଢ଼ୀ, ସୁରେଶ ପଣ୍ଡା, ପୁରନେନ୍ଦୁ ମାଝୀ ପ୍ରମୁଖ ଉଦବୋଧନ ଦେଇଥିଲେ।
ଜୁନାଗଡ ରୁ ନରେନ୍ଦ୍ର ଖିତି ଙ୍କ ରିପୋର୍ଟ
