ସିଂସାରୀ ରେ ଆମ ପୋଲିସ ସମିତି କାର୍ଯ୍ୟକ୍ରମ
ଡାବୁଗାଁ, ୨୪/୯ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ସିଂସାରୀ ଫାଣ୍ଡି ଅ଼ଞ୍ଚଳର ବାତ୍ୟା ଆଶ୍ରୟ ସ୍ଥଳୀ ଠାରେ ଆମ ପୋଲିସ ସମିତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି ଅବସରରେ ଡାବୁଗାଁ ଥାନା ଅଧିକାରୀ ସୁନୀଲ କୁମାର ପ୍ରଧାନ ଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ସିଂସାରୀ ଗ୍ରାମ ପଞ୍ଚାୟତ ନାଏବ ସରପଞ୍ଚ ଚଇନ ସିଂ ମାଝୀ, ଏଏସଆଇ ଶିଶିର କୁମାର ଘୋଷ, ବିଜୟ କୁମାର ସାହୁ, ଓ ସୀମାଞ୍ଚଳ ମହାରଣା ପ୍ରମୁଖ ମଞ୍ଚରେ ଉପସ୍ଥିତ ଥିଲେ l ଥାନା ଅଧିକାରୀ ଉପସ୍ଥିତ ଜନସାଧାରଣଙ୍କୁ ଶୁଭେଚ୍ଛା ଓ ଶୁଭକାମନା ଜଣାଇ ଜନ ସାଧାରଣ ମାନଙ୍କୁ ପୋଲିସ କୁ ଭୟ ନ କରି ନିଜ ର ଅସୁବିଧା ସମ୍ପର୍କରେ ନିର୍ଭୟରେ ପ୍ରକାଶ କରିବାକୁ ପରାମର୍ଶ ଦେଇଥିଲେ l ପୋଲିସ ଓ ଜନସାଧାରଣଙ୍କ ସମ୍ପର୍କ ଅତି ନିବିଡ ହେଲେ ଉଚିତ୍ ନ୍ୟାୟ ପାଇବାରେ ଅସୁବିଧା ହେବ ନାହିଁ ବୋଲି ସେ କହିଥିଲେ l ଏଣୁ ପୋଲିସ ସହ ସୁସମ୍ପର୍କ ରହିବା ନିହାତି ଜରୁରୀ ଅଟେ l ବାଲ୍ୟବିବାହ କରିବା ର ଅପକାରୀତା ଓ ଦଣ୍ଡ ଉପରେ ବ୍ୟାପକ ଉପଦେଶମୂଳକ ତଥ୍ୟ ଉପସ୍ଥାପନ କରି ଜନସାଧାରଣଙ୍କ ମାନଙ୍କୁ ସଚେତନ କରାଇଥିଲେ l ବିବାହ ର ବୟସ କେତେ ହେବା ଦରକାର, ଠିକ୍ ସମୟରେ ବିବାହ କରି ସୁସ୍ଥ ଶିଶୁ ଜନ୍ମ ଦେଇ ନିରୋଗ ରୋଗମୁକ୍ତ ଶିଶୁ ର ବିକାଶ ଦିଗରେ ସମସ୍ତଙ୍କୁ ସଚେତନ କରାଇ ଥିଲେ ଓ କମ୍ ବୟସରେ ବିବାହ ଆଇନତଃ ଦଣ୍ଡ,ସେହି ବିଷୟ ସମ୍ବନ୍ଧୀୟ ଆଇନ ଉପରେ ବ୍ୟାପକ ପରାମର୍ଶ ଦେଇଥିଲେ l ଶେଷରେ ସିଂସାରୀ ଫାଣ୍ଡି ଅଧିକାରୀ ଗୋପାଳ କୃଷ୍ଣ ହାଲଓ୍ୱା ସମସ୍ତ ଅତିଥି ଓ ଜନସାଧାରଣମାନଙ୍କୁ ଧନ୍ୟବାଦ ଦେଇ ସଭା ସାଙ୍ଗ କରିଥିଲେ l ଏହି କାର୍ଯ୍ୟକ୍ରମ କୁ ପୋଲିସ କର୍ମଚାରୀ ମାନେ ସହଯୋଗ କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
