ଡାବୁଗାଁ ଦୂର୍ଗା ପୂଜା ପାଇଁ ଶୁଭ ଖୁଣ୍ଟି ସ୍ଥାପନ ଓ ମାଟି ପୂଜା
ଡାବୁଗାଁ, ୨୮/୯ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା ସ୍ଥିତ ଦୂର୍ଗା ପୂଜା ମଣ୍ଡପ ଠାରେ ଦୂର୍ଗା ପୂଜା ନିମନ୍ତେ ଶୁଭ ଖୁଣ୍ଟି ସ୍ଥାପନ କରାଯାଇଛି | ଏହାସହ ମାଁ ଦୂର୍ଗାଙ୍କ ମୂର୍ତ୍ତି ପାଇଁ ପ୍ରଥମେ ଅଙ୍ଗୀ ନଦୀରେ ପୂଜାର୍ଚ୍ଚନା କରାଯାଇ ମାଟି ଅଣାଯାଇ ମାଟି ପୂଜନ କରାଯାଇଛି | ଏଥିରେ କର୍ତ୍ତା ଭାବେ ବିକାଶ ରଞ୍ଜନ ନିଶଙ୍କ ଓ ଜି. ଜଗନ୍ନାଥ ରାଓ ପ୍ରମୁଖ ମାଟି ଆଣିଥିଲେ | ଏଥିରେ ଦୂର୍ଗା ପୂଜା କମିଟିର ସଭାପତି ଜି. ଗୋପାଳକୃଷ୍ଣ ରାଓ, ସମ୍ପାଦକ ସୁରେନ୍ଦ୍ର କୁମାର ମିଶ୍ର, କୋଷାଧ୍ୟକ୍ଷ ଏମ. ସୂର୍ଯ୍ୟନାରାୟଣ ଶୁବୁଦ୍ଧି, କୈଳାସ ଚନ୍ଦ୍ର ବିଶୋଇ, ଦିବାନ ସିଂ, ସୁରେଶ ଚନ୍ଦ୍ର ବେହେରା, ବାବି ଜେନା, ରାମା ଶୁବୁଦ୍ଧି, ଭଗବାନ ଖୁଣ୍ଟିଆ, ଟିଟୁ ଜେନା, ଜଗନ୍ନାଥ ବିଶୋଇ, ଚମ୍ପାଲାଲ ଅଗ୍ରୱାଲ ଓ ଜି. ସତ୍ୟା ରାଓ ପ୍ରମୁଖ ଉପସ୍ଥିତ ଥିଲେ |