ମୃତ ଅଙ୍ଗନବାଡିଙ୍କ ଭଉଣୀଙ୍କୁ ନିଯୁକ୍ତି ଦାବିରେ ହିର୍ଲି ଅଙ୍ଗନବାଡି କେନ୍ଦ୍ରରେ ତାଲା
ପାପଡାହାଣ୍ଡି,2/10, ମନିସ :- ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ତୁମ୍ବର୍ଲା ପଞ୍ଚାୟତ ଅନ୍ତର୍ଗତ ହିର୍ଲି ଖ ଅଙ୍ଗନବାଡି କେନ୍ଦ୍ରରେ କର୍ମୀ ନିଯୁକ୍ତି ନେଇ ଗ୍ରାମରେ ଅସନ୍ତୋଷ ଦେଖାଦେଇଛି | ଗୋଟିଏ ଗୋଷ୍ଠୀ ପୁର୍ବରୁ ଥିବା ମୃତ ଅଙ୍ଗନବାଡି କର୍ମୀର ଭଉଣୀଙ୍କୁ ନିଯୁକ୍ତି ଦାବି କରୁଥିବା ବେଳେ ଅନ୍ୟ ଜଣେ ଆଦିବାସୀ ମହିଳା ନିଯୁକ୍ତି ଦୌଡ଼ରେ ଅଛନ୍ତି | ତେବେ ଗ୍ରାମର ସ୍ୱୟଂ ସହାୟକ ଗୋଷ୍ଠୀ ଓ ଗ୍ରାମବାସୀ ମୃତ ଅଙ୍ଗନବାଡି କର୍ମୀ ପୂର୍ଣ୍ଣିଙ୍କ ସାନ ଭଉଣୀ ଭଗବତୀ ହରିଜନଙ୍କୁ ନିଯୁକ୍ତି ଦାବିରେ ଅଙ୍ଗନବାଡି କେନ୍ଦ୍ରରେ ସୋମବାର ତାଲା ଠୁଙ୍କିଛନ୍ତି । ଯ ଦ୍ୱାରା ହରିଜନ ସାହିର ବହୁ କୁନି ପିଲା ଖାଦ୍ୟ ଖାଇବାରୁ ବଞ୍ଚିତ ହୋଇଛନ୍ତି | ସୂଚନା ପ୍ରକାରେ ଗତ ଜୁଲାଇ ୩୦ ତାରିଖରେ ହିର୍ଲି ଗ୍ରାମର ଅଙ୍ଗନବାଡି ଖ କର୍ମୀ ପୁର୍ଣି ହରିଜନଙ୍କ ହୃଦ ଘାତରେ ମୃତ୍ୟୁ ହୋଇଥିଲା ।ଏହାପରେ ଅଙ୍ଗନବାଡି କର୍ମୀଙ୍କ ପାଇଁ ନିଯୁକ୍ତି ପ୍ରକ୍ରିୟା ଆରମ୍ଭ ହୋଇଥିଲା । ଏହି ଅଙ୍ଗନବାଡି କର୍ମୀ ପାଇଁ ଦୁଇ ଜଣ ଭଗବତୀ ହରିଜନ ଓ ଯଶଦା ମାଝୀ ପାଇବାକୁ ହକଦାର ହୋଇଥିଲେ । କିନ୍ତୁ ପରବର୍ତ୍ତୀ ସମୟରେ ଶନିବାର ପୁର୍ଣି ଙ୍କ କେନ୍ଦ୍ରରେ ରଖିଥିବା ଜିନିଷପତ୍ର କୁ ବାହାରେ କାଡିବା ଦ୍ୱାରା ଉତେଜନା ଦେଖା ଦେଇଥିଲା | ଭଗବତୀଙ୍କ ସହଯୋଗୀ ତଥା ଗ୍ରାମର ସ୍ୱୟଂ ସହାୟକ ଗୋଷ୍ଠୀର ମହିଳା ମାନେ ଏହାକୁ ବିରୋଧ କରିବା ସହ ପୁର୍ବ ରୁ ଭାଗବତୀଙ୍କୁ ନିଯୁକ୍ତି ଦେବା ଲାଗି ବିଭାଗୀୟ ଅଧିକାରୀ ମାନଙ୍କୁ ଜଣାଇଥିବା କହିଥିଲେ | ଶିକ୍ଷିତା ଓ ଅସହାୟ ମହିଳାଙ୍କୁ କାହିଁକି ନିଯୁକ୍ତି ଦିଆ ନ ଯିବ ସେ ନେଇ ଅଙ୍ଗନବାଡି କେନ୍ଦ୍ରରେ ତାଲା ଠୁଙ୍କିଥିଲେ । ପୁର୍ଣିଙ୍କ ଭଉଣୀ ଙ୍କୁ ଅଙ୍ଗନବାଡି କର୍ମୀ ଭାବେ ନିଯୁକ୍ତି ଦେବା ସକାଶେ ମହିଳା ମାନେ ସିଡିପିଓ ଓ ଜିଲ୍ଲାପାଳ ଙ୍କୁ ମଧ୍ୟ ଜଣାଇଥିବା କହିଥିଲେ । ଅଙ୍ଗନବାଡି କେନ୍ଦ୍ର ବନ୍ଦ ଥିବା ବେଳେ ଅଙ୍ଗନବାଡି ଶିଶୁମାନେ ପାଠପଢ଼ା ସହ ଖାଦ୍ୟ ଖାଇବାରେ ବଞ୍ଚିତ ହୋଇଥିଲେ । ଯାଞ୍ଚ ସମୟରେ ସିଡିପିଓ ଆସିଥିବା ବେଳେ ସମସ୍ତେ ଭାଗବତୀଙ୍କୁ ନିଯୁକ୍ତି ଲାଗି କହିଥିବା ମହିଳା ମାନେ କହିଛନ୍ତି | କ୍ଷୀର ହରିଜନ , ଧନୀ ହରିଜନ , ବୁମଳା ହରିଜନ , ମାଳତୀ ହରିଜନ , ପିଙ୍କି ହରିଜନ , ଝୁଲି ହରିଜନ , ଅନିତା ହରିଜନ , ସତ୍ୟବତୀ ଭତରା , ଚଇତି କରକରା , ଶର୍ମିଲା ହରିଜନ , ରୁକ୍ମଣୀ ହରିଜନ , ପ୍ରଭାତୀ ହରିଜନ , ସୁଲ ହରିଜନ , ପିଙ୍କି ହରିଜନ , ଶାନ୍ତି ହରିଜନ, ଜଙ୍ଗଲୀ ହରିଜନ ପ୍ରମୁଖ ଭାଗବତୀଙ୍କୁ ଯେପର୍ଯ୍ୟନ୍ତ ନିଯୁକ୍ତି ଦିଆ ଯାଇ ନାହିଁ କେନ୍ଦ୍ର ରେ ତାଲା ଝୁଲିବ ବୋଲି କହିଛନ୍ତି |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
