ବଳରାମପୁର ପ୍ରାଥମିକ ବିଦ୍ୟାଳୟ ଗୃହ ଅସୁରକ୍ଷିତ
ମୟୂରଭଞ୍ଜ – ୨/୧୦ ( ମସିହା )ମୟୂରଭଞ୍ଜ ଜିଲ୍ଲାର ବିଜାତଳା ବ୍ଲକର ଲୁହାଶିଳା ପଞ୍ଚାୟତ ଅନ୍ତର୍ଗତ ବଳରାମପୁର ପ୍ରାଥମିକ ବିଦ୍ୟାଳୟର ଅବସ୍ଥା କହିଲେ ନ ସରେ l ଆଦିବାସୀ ଅଧ୍ୟୁଷିତ ଉକ୍ତ ବିଦ୍ୟାଳୟଟି 1971 ମସିହାରେ ସ୍ଥାପିତ ହୋଇଛି l ବିଦ୍ୟାଳୟରେ ବର୍ତ୍ତମାନ 24 ଜଣ ଛାତ୍ରଛାତ୍ରୀଙ୍କ ନିମନ୍ତେ 2 ଜଣ ଶିକ୍ଷକ ରହିଛନ୍ତି l ବିଦ୍ୟାଳୟଟି ଅସୁରକ୍ଷିତ ଥିବା ପରି ମନେ ହୁଏ l ବର୍ଷା ହେଲେ ଛାତ୍ରୁ ପାଣି ଗଳୁଥିବା ଦେଖିବାକୁ ମିଳୁଛି l ଯାହା ଫଳରେ ବର୍ଷାଦିନେ କୋମଳମତି ଛାତ୍ରଛାତ୍ରୀମାନେ ବିଦ୍ୟାଳୟ ଆସିବାକୁ ଅମଙ୍ଗ ହୋଇଥାନ୍ତି l କେବଳ ଏତିକି ନୁହେଁ ବିଦ୍ୟାଳୟ ପରିସରରେ ଥିବା ଦୁଇଟି ଯାକ ନଳକୂଅ ଦୀର୍ଘଦିନ ହେବ ଅଚଳ ଅବସ୍ଥାରେ ରହିଛି, ଫଳରେ ପିଇବା ପାଣି ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି l ଏହା ବ୍ୟତୀତ ପାଇଖାନାଟି ବ୍ୟବହାର ଅନୁପଯୋଗୀ ହୋଇ ପଡିଛି l ତୁରନ୍ତ ପ୍ରଶାସନ ତରଫରୁ ବିଦ୍ୟାଳୟ ସମସ୍ୟାର ସମାଧାନ ପାଇଁ ପଦକ୍ଷେପ ନିଆଯିବାକୁ ଅଭିଭାବକମାନେ ଦାବି କରିଛନ୍ତି l
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
