ପଞ୍ଚଭୂତ ରେ ଲୀନ ହେଲେ ରାଇରଙ୍ଗପୁର ବନଖଣ୍ଡ ଅଧିକାରୀ ନଳିନୀକାନ୍ତ ବେହେରା
ମୟୂରଭଞ୍ଜ -୩/୧୦ ( ମସିହା)ରାଇରଙ୍ଗପୁର ବନଖଣ୍ଡ ଅଧିକାରୀ ନଳିନୀକାନ୍ତ ବେହେରା ମାସେ ହେଲା ଶାରିରୀକ ଅସୁସ୍ଥ ଥିଲେ ।ସୋମବାର ବିଳମ୍ବିତ ରାତିରେ ତାଙ୍କର ଭୁବନେଶ୍ଵରର ଘରୋଇ ଆପୋଲୋ ହସ୍ପିଟାଲରେ ଦେହାନ୍ତ ହୋଇଯାଇଛି ।ସେ ଜଣେ ଦକ୍ଷ ପ୍ରଶାସକ, ମିଷ୍ଟଭାଷୀ, ଜଗନ୍ନାଥ ସଂସ୍କୃତି ପ୍ରେମୀଦାୟିତ୍ଵ , ମେଳାପି, ସମସ୍ତଙ୍କୁ ନେଇ କାମ କରିବା ଏବଂ ଦାୟିତ୍ଵ ସଂପନ୍ନ ବ୍ୟକ୍ତି ଥିଲେ । ତାଙ୍କର ମୃତ୍ୟୁରେ ରାଇରଙ୍ଗପୁର ସହରରେ ଶୋକରେ ଛାୟା ଖେଳିଯାଇଛି । ରାଇରଙ୍ଗପୁର ବନଖଣ୍ଡ ଅଧିକାରୀ ଭାବେ ଦୁଇ ବର୍ଷ ୩ ମାସ ଦାୟିତ୍ବ ତୁଲାଇଥିଲେ । ସେ ବୃକ୍ଷ ରୋପଣକୁ ଗୁରୁତ୍ବ ଦେଇଥିଲେ । ତାଙ୍କ ସମୟରେ ସେ ଜାତୀୟ ରାଜପଥ ରାଞ୍ଚି -ଵିଜୟଓ୍ବାଡା ୨୨୦ ନମ୍ବରର ଯଶିପୁର – ରାଇରଙ୍ଗପୁର ର ମାଛ କାନ୍ଦଣା ଘାଟିର ଡଆଇଭର୍ସନ ରାସ୍ତାକୁ ଷ୍ଟେଜ -୨ କ୍ଲିୟରାନ୍ସ କରାଇଥିଲେ ।ସେହିଭଳି ଜାତୀୟ ରାଜପଥ ୪୯ ନମ୍ବର ଦୁଆରଶୁଣି ଵାମନଘାଟିର ଡାଇଭର୍ସନ ରାସ୍ତାକୁ ଫରେଷ୍ଟ କ୍ଲିୟରାନ୍ସ ଷ୍ଟେଜ ୧ ରେ ପହଞ୍ଚି ଦେଇଛନ୍ତି । ଯାହାକି ଭବିଷ୍ୟତରେ ସମୟ ମନେ ରଖିଥିବ ।ସେ କର୍ମଚାରୀଙ୍କ ଦୁଃଖସୁଖର ସାଥୀ ଥିଲେ ।ତାଙ୍କ ମୃତ୍ୟୁ ଖବର ପାଇ ରାଇରଙ୍ଗପୁର ବନ ବିଭାଗର ଏସିଏଫ ବୈଦ୍ୟନାଥ ମାଝୀ, ସତ୍ୟବ୍ରତ ପଟ୍ଟନାୟକ , ରେଞ୍ଜର ରମାକାନ୍ତ ମାଝୀ,ବିଜନ ବରାଳ ପ୍ରମୁଖ ପହଞ୍ଚି ଶେଷ ଦର୍ଶନ କରିଥିଲେ ।ତାଙ୍କର ଶେଷକୃତ୍ୟ ପୁରୀର ସ୍ଵର୍ଗଦ୍ଵାରରେ କରାଯାଇଥିଲା ।ବଡପୁଅ ପୁଅ ଶୁଭମ ମୁଖାଗ୍ନି ଦେଇଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳଙ୍କ ରିପୋର୍ଟ
