ଦୀର୍ଘ ଦିନ ର ଦାବୀ ପରେ ,ଧର୍ମଗଡ ଉପଖଣ୍ଡ ଚିକିତ୍ସାଳୟ ରେ ଯୋଗ ଦେଲେ ୪ ବିଶେଷଜ୍ଞ ଡ଼ାକ୍ତର
ଚକ୍ଷୁ, ମେଡିସିନ,ଅସ୍ତ୍ରୋପଚାର ଓ ନିଶ୍ଚେତକ ବିଶେଷଜ୍ଞ ଡ଼ାକ୍ତର ଯୋଗ ଦେଲେ
କଳାହାଣ୍ଡି ଜିଲ୍ଲା ଧର୍ମଗଡ ଉପଖଣ୍ଡ ଚିକିତ୍ସାଳୟ ରେ ୪ ଜଣ ଚକ୍ଷୁ ରୋଗ, ମେଡିସିନ (ଭେଷଜ), ଅସ୍ତ୍ରୋପଚାର (ଶୈଲ୍ୟ) ଓ ନିଶ୍ଚେତକ ବିଶେଷଜ୍ଞ ଡ଼ାକ୍ତର କାର୍ଯ୍ୟ ରେ ଯୋଗ ଦେଇ ଛନ୍ତି । ଏକା ଥରେ ୪ଜଣ ବିଶେଷଜ୍ଞ ଡ଼ାକ୍ତର ଯୋଗାଇ ଦିଆ ଯାଇ ଥିବା ରୁ ସହରାଞ୍ଚଳ ରେ ବିଶେଷ ଭାବେ ଖୁସି ପ୍ରକାଶ ପାଇଛି ।
ଧର୍ମଗଡ ଉପଖଣ୍ଡ ଚିକିତ୍ସାଳୟ କଳାହାଣ୍ଡି ଜିଲ୍ଲା ର ଦ୍ୱିତୀୟ ବୃହତ୍ତମ ସରକାରୀ ଚିକିତ୍ସାଳୟ ଅଟେ । ଭବାନୀ ପାଟଣା ଜିଲ୍ଳା ମୂଖ୍ୟ ଚିକିତ୍ସାଳୟ ପରେ ଏହା ଉପରେ ଅନେକ ଲୋକ ନିର୍ଭର କରି ଥାଆନ୍ତି । ପଡ଼ୋଶୀ ନବରଙ୍ଗ ପୁର ଜିଲ୍ଲା ଚାନ୍ଦା ହାଣ୍ଡି ଠାରୁ ଆରମ୍ଭ କରି ନୂଆପଡ଼ା ଜିଲ୍ଲା ର ସିନାପାଲି ଏଵଂ ପଡ଼ୋଶୀ ଛତିଶଗଡ଼ ରାଜ୍ୟର ଦେଓ ଭୋଗ ପ୍ରଭୃତି ଅଞ୍ଚଳ ର ପ୍ରାୟ ୫ଲକ୍ଷ ରୁ ଉର୍ଦ୍ଧ୍ବ ଲୋକ ଏହି ଚିକିତ୍ସାଳୟ ଉପରେ ନିର୍ଭର କରନ୍ତି । ତେବେ ଏଠାରେ ଦୀର୍ଘ ଦିନ ଧରି ବିଶେଷଜ୍ଞ ଡ଼ାକ୍ତର ପଦବୀ ଖାଲି ପଡିଥିଲା । ମୋଟ ୧୨ ଟି ବିଶେଷଜ୍ଞ ଡ଼ାକ୍ତର ପଦବୀ ମଧ୍ୟ ରୁ ଭେଷଜ, ଶୈଲ୍ୟ,ନିଶ୍ଚେତକ ଓ ଚକ୍ଷୁ ରୋଗ ଭଳି ଗୁରୁତ୍ୱପୂର୍ଣ୍ଣ ବିଭାଗ ରେ ଡାକ୍ତର ନ ଥିଲେ ଫଳ ରେ ଏକଦା ରେଫର ହସ୍ପିଟାଲ ର ମାନ୍ୟତା ପାଇ ଥିବା ଏହି ଚିକିତ୍ସାଳୟ ରେଫର୍ ହସ୍ପିଟାଲ ହୋଈ ଯାଇ ଥିଲା । ପ୍ରାୟତଃ ରୋଗୀ ଙ୍କୁ ଏଠାରୁ ଜିଲ୍ଲା ମୂଖ୍ୟ ଚିକିତ୍ସାଳୟ କୁ ରେଫର୍ କରି ଦିଆ ଯାଉ ଥିଲା । ଯାହାକୁ ନେଇ ବିଭିନ୍ନ ସମୟ ରେ ଜନ ଅସନ୍ତୋଷ ପ୍ରକାଶ ପାଉଥିଲା । ତେବେ ରାଜ୍ୟ ସରକାର ଲୋକ ଙ୍କ ଦାବୀ କୁ ଦୃଷ୍ଟି ଦେଇ ଡାକ୍ତର ଯୋଗାଇ ଦେଇ ଥିବାରୁ ଲୋକେ ଏବେ ଉନ୍ନତ ଚିକିତ୍ସା ସୁବିଧା ପାଇ ପାରିବେ ବୋଲି ସାଧାରଣ ରେ ମତ ପ୍ରକାଶ ପାଇଛି । ତେବେ ବର୍ତ୍ତମାନ୍ ମଧ୍ୟ ଚିକିତ୍ସାଳୟ ର ଅର୍ଦ୍ଧାଧିକ ଏଲଟିଆରଏମଓ ଡାକ୍ତର ପଦବୀ ଖାଲି ପଡିଛି । ମୋଟ ଅନୁମୋଦିତ ୨୦ ପଦବୀ ରୁ ୫ ଜଣ ରେଗୁଲାର ଓ ୩ ଜଣ କଣ୍ଟ୍ରାକ ଚୁଆଲ ଡାକ୍ତର ଏହି ପରି ମୋଟ ୮ ଜଣ ଡାକ୍ତର କାର୍ଯ୍ୟ କରୁଥିବା ବେଳେ ୧୨ ଡାକ୍ତର ପଦବୀ ଖାଲି ପଡିଛି । ଦୀର୍ଘ ଦିନ ଧରି ଉପଖଣ୍ଡ ଚିକିତ୍ସାଧିକାରୀ ପଦ ମଧ୍ୟ ଖାଲି ରହିଛି । ସରକାର ଶୀଘ୍ର ଜଣେ ନିୟମିତ ଉପଖଣ୍ଡ ଚିକିତ୍ସାଧିକାରୀ ଙ୍କ ସହ ଅନ୍ୟାନ୍ୟ ଖାଲି ଥିବା ପଦବୀ ସବୁ ପୂରଣ କରନ୍ତୁ ବୋଲି ସାଧାରଣ ରେ ଦାବୀ ହେଉଛି ।
ବିଦ୍ୟାଧର ସାହୁଙ୍କ ରିପୋର୍ଟ….
