ଉପଖଣ୍ଡ ପ୍ରଶାସନ ପକ୍ଷରୁ ପାଥୋତ୍ସବ
କାମାକ୍ଷାନଗର (ମନିସ )28/10/23 // କାମାକ୍ଷାନଗର ଉପଖଣ୍ଡ ପ୍ରଶାସନ ପକ୍ଷରୁ ଭାରତ ସରକାରଙ୍କ ନିର୍ବାଚନ ଅଧିକାରୀଙ୍କ ନିର୍ଦେଶ ଅନୁଯାୟୀ ସହରର ହନୁମାନ ବଜାର ଠାରୁ ଜଗନ୍ନାଥ ବଜାର ମଧ୍ୟରେ ଏକ ପାଥୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି l କାମାକ୍ଷାନଗର ଓ ପରଜଙ୍ଗ ନିର୍ବାଚନ ମଣ୍ଡଳୀ ର ନିର୍ବାଚନ ଅଧିକାରୀ ତଥା 
ଉପଜିଲ୍ଲାପାଳ ନାରାୟଣ ଚନ୍ଦ୍ର ନାୟକ ମୁଖ୍ୟତିଥି ଭାବେ ଯୋଗ ଦେଇ ସରକାରଙ୍କ ପକ୍ଷରୁ ଆଗାମୀ ଜାନୁଆରୀ ୧ ତାରିଖ ମଧ୍ୟରେ ୧୮ ବର୍ଷ ପ୍ରାପ୍ତ ହୋଇଥିବା ଯୁବକ ଯୁବତୀ ମାନେ ଯେପରି ସୁବିଧାରେ ମତ ଦାନ କରି ପାରିବେ ସେଥିପ୍ରତି କେନ୍ଦ୍ର ସରକାର ଗୁରୁତ୍ୱ ଦେଉଥିବାର ପ୍ରକାଶ କରିଥିଲେ l ଗୋଷ୍ଠୀ ଉର୍ଣ୍ଣୟନ ଅଧିକାରୀ ଅବିନାଶ ପାଣ୍ଡିଆ ଯୋଗ ଦେଇ ମାତଦାତା ମାନେ ନିଜର ନିର୍ଭୁଲ ଭାବେ କିପରି ଭୋଟର ତାଲିକା ସଂଶୋଧନ କରିବା ସହିତ ମତଦାନ ସାବ୍ୟସ୍ତ କରିବେ ସେଥିପ୍ରତି ସମସ୍ତଙ୍କ ମଧ୍ୟରେ ସଚେତନତା ଆବଶ୍ୟକ ବୋଲିମାତବ୍ୟକ୍ତ କରିଥିଲେ l ଅନ୍ୟମାନଙ୍କ ମଧ୍ୟରେ କଙ୍କଡ଼ାହାଡ଼ ଗୋଷ୍ଠୀ ଉର୍ଣ୍ଣୟନ ଅଧିକାରୀ ଯଶୋବନ୍ତ ଦେହୁରୀ,ପରଜଙ୍ଗ ଅତିରିକ୍ତ ତହସିଲଦାର, ସହକାରୀ ଜିଲ୍ଲାପାଳ ପ୍ରମୁଖ ଉପସ୍ଥିତ ରହି ମତଦାନ ଉପରେ ସୂଚନା ପ୍ରଦାନ କରିଥିଲେ l ସହକାରୀ ଜିଲ୍ଲାପାଳ ଦୀପକ କୁମାର ମିଶ୍ର ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ଅନ୍ୟତମ ସହକାରୀ ଜିଲ୍ଲାପାଳ ମଦନ ମୋହନ ଜେନା ଧନ୍ୟବାଦ ଦେଇଥିଲେ l ସହକାରୀ ଜିଲ୍ଲାପାଳ ଅର୍ଚନା ଗୌଡାଙ୍କ ତତ୍ୱାବଧାନ ରେ ସତ୍ୟପ୍ରକାଶ ସାହୁ, ସୁବ୍ରତ ବେହେରା,ରଶ୍ମିରଞ୍ଜନ ବିଶ୍ୱାଳ, ହାଡିବନ୍ଧୁ ସାହୁ ,ପ୍ରମୁଖ ପରିଚାଳନାରେ ସହାୟତା ପ୍ରଦାନ କରିଥିଲେ l ଏଇ ଅବସରରେ ବିଭିନ୍ନ ଶିକ୍ଷାନୁଷ୍ଠାନ ପକ୍ଷରୁ ଛାତ୍ରଛାତ୍ରୀ ମାନଙ୍କ ଦ୍ୱାରା ଭୋଟ ସଚେତନତା ବାର୍ତ୍ତା କୁ ସାଂସ୍କ୍ରୁତିକ କାର୍ଯ୍ୟକ୍ରମ ମାଧ୍ୟମରେ ପ୍ରଦର୍ଶନ କରିଥିଲେ l ଏହି ଉତ୍ସବରେ ସାହସ୍ରାଧିକ ଜନସମାବେଶ ଘଟିଥିଲା l
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
