କାର୍ତ୍ତିକ ପୂର୍ଣ୍ଣିମାରେ ଵହଳଦାରେ ମା’ କୀଚକେଶ୍ଵରୀଙ୍କ ସୁନାବେଶ ପାଇଁ ବ୍ୟାପକ ପ୍ରସ୍ତୁତି
ରାଇରଙ୍ଗପୁର -୨୬/୧୧ // ପ୍ରତ୍ୟେକ ବର୍ଷ ଭଳି ଚଳିତ ବର୍ଷ କାର୍ତ୍ତିକ ପୂର୍ଣ୍ଣିମା ଅବସରରେ ଵହଳଦାର ପ୍ରତ୍ୟକ୍ଷ ଦେବୀ ମା’ କୀଚକେଶ୍ବରୀଙ୍କ ସୁନାବେଶ ପାଇଁ ବ୍ୟାପକ ପ୍ରସ୍ତୁତି କରାଯାଇଛି ।ଭକ୍ତ ଓ ଶ୍ରଦ୍ଧାଳୁ ମାନଙ୍କ ମଧ୍ୟରେ ମା’ ଙ୍କ ସୁନାବେଶ ଦେଖିବା ପାଇଁ ପ୍ରବଳ ଉତ୍ସାହ ଦେଖାଦେଇଛି । ସୋମବାର ଦିନ ଭୋର ୪ ଟାରେ ମନ୍ଦିରର ମୁଖ୍ୟ ପୂଜକ ଆର୍ଯ୍ୟ ଶଙ୍କର ପାଣିଗ୍ରାହୀ ମା’ ଙ୍କୁ ଯଥାବିଧି ବାଦ୍ୟ ,କଳଶ,,ଉପଚାର ପୂଜା କରିବାସହ ମା’ଙ୍କୁ ସୁନାବେଶରେ 
ସୁସଜ୍ଜିତ କରିବେ । ତାପରେ ୭ ଘଟିକାଠାରୁ ଭକ୍ତଙ୍କ ଦର୍ଶନ ପାଇଁ ଗର୍ଭଗୃହ କବାଟ ଖୋଲାଯିବ । ଶାନ୍ତି ଶୃଙ୍ଖଳା ପାଇଁ ପୋଲିସ ତରଫରୁ ବ୍ୟାପକ ପ୍ରସ୍ତୁତି କରାଯାଇଛି । ଶୃଙ୍ଖଳା ଦର୍ଶନ ପାଇଁ ବ୍ୟାରିକେଡ଼ ବ୍ୟବସ୍ଥା କରାଯାଇଛି ।ବୃଦ୍ଧ ଏବଂ ଶାରିରୀକ ଅକ୍ଷମ ପାଇଁ ସ୍ଵତନ୍ତ୍ର ଦର୍ଶନର ବ୍ୟବସ୍ଥା କରାଯାଇଛି ।ଦେବୋତ୍ତର କମିଟି ତରଫରୁ ଶ୍ରଦ୍ଧାଳୁଙ୍କ ପାଇଁ ଅନ୍ନ ପ୍ରସାଦ ବ୍ୟବସ୍ଥା କରାଯାଇଛି ।ପଡୋଶୀ ଝାଡଖଣ୍ଡ , ପଶ୍ଚିମବଙ୍ଗ ଏବଂ ବଆମନଘଆଟଈ ଉପଖଣ୍ଡରୁ ବହୁ ସଂଖ୍ୟାରେ ଶ୍ରଦ୍ଧାଳୁ ମାନଙ୍କ ଆଗମନ ହେବାର ସମ୍ଭାବନା ରହିଛି । ସମସ୍ତେ ଆସି ମା’ ଙ୍କ ଦର୍ଶନ ,ପୂଜାର୍ଚ୍ଚନା ସହ ଆଶିର୍ବାଦ ନେବାପାଇଁ କମିଟିର ସାଧାରଣ ପାର୍କ ସତ୍ୟନାରାୟଣ ଦିକ୍ଷୀତ ଏବଂ ପୂଜା ସଂପାଦକ ଅତନୁ ମହାନ୍ତି ନିବେଦନ କରିଛନ୍ତି ।
ମୟୂରଭଞ୍ଜ ରୁ ଅକ୍ଷୟ କୁମାର ବିଶ୍ବାଳ ଙ୍କ ରିପୋର୍ଟ୍
