ବିଭିନ୍ନ ପ୍ରକଳ୍ପର ଶୁଭ ଭିତ୍ତିପ୍ରସ୍ତର ସ୍ଥାପନ କଲେ ବିଧାୟକ
ବାଲେଶ୍ଵର,୧୨/୧୨/୨୩ – ସିମୁଳିଆ ନିର୍ବାଚନ ମଣ୍ଡଳୀର ବିଧାୟକ ଜ୍ଯୋତି ପ୍ରକାଶ ପାଣିଗ୍ରାହୀ ଖଇରା ଓ ସିମୁଳିଆ ବ୍ଲକର ୪୬ କୋଟି ଟଙ୍କାର ବିଭିନ୍ନ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଉନ୍ନୟନ ହିଁ ଜନ ସେବାର ମୂଳ ଲକ୍ଷ୍ୟ ମନେକରି ଉନ୍ନତି ପଥରେ ଆଗେଇ ଚାଲିଛନ୍ତି ବିଧାୟକ ଶ୍ରୀ ପାଣିଗ୍ରାହୀ । ଓଡିଶା ସରକାର ପୂର୍ତ୍ତ ବିଭାଗ ତରଫରୁ ସିମୁଳିଆ – ଖଇରା ବ୍ଲକରେ ପାଖା ପାଖି ୪୬ କୋଟି ଟଙ୍କା ଅଟକଳ ବ୍ୟୟରେ ଅନୁମୋଦନ ହୋଇଥିବା ୭ ଗୋଟି ପ୍ରକଳ୍ପର ଶୁଭ ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ପ୍ରକଳ୍ପ ଗୁଡିକ ମଧ୍ୟରେ (୧) ବଣା ରେଲୱେ କ୍ରସିଂ ନିକଟରେ ସେତୁ ନିର୍ମାଣ ୩୮ ଲକ୍ଷ, (୨) ମାର୍କୋଣା – ଗଣ୍ଡିବେଡ PWD ରାସ୍ତାର ପଣ୍ଡୁ ନିକଟରେ ସେତୁ ନିର୍ମାଣ ୩ କୋଟି ୪୯ ଲକ୍ଷ, (୩) ଓଝାପୋଖରୀ ଠାରୁ ମାର୍କୋଣା, ଭାୟା – ଅଡା ରାସ୍ତାର ପ୍ରଶସ୍ତିକରଣ ୨୨ କୋଟି୨୬ ଲକ୍ଷ, (୪) ରାଣୀତାଲ – କୁପାରି ରାସ୍ତାର ବାରାପୁର ନିକଟରେ ସେତୁ ନିର୍ମାଣ ୭ କୋଟି ୨୦ ଲକ୍ଷ, (୫) ବର୍ତ୍ତନା – ଓସ୍ତପାଳ PWD ରାସ୍ତାର ଆମ୍ବହତା କେନାଲ ଉପରେ ସେତୁ ନିର୍ମାଣ ୨ କୋଟି ୧ ଲକ୍ଷ, (୬) କୁପାରି – ଅଗରପଡ଼ା PWD ରାସ୍ତାର ଗାମ୍ଭାରିଆ ନିକଟରେ ସେତୁ ନିର୍ମାଣ ୧ କୋଟି ୮୪ ଲକ୍ଷ ଅନ୍ତର୍ଭୁକ୍ତ । ଏହି ପ୍ରକଳ୍ପ ମାଧ୍ୟମରେ ସିମୁଳିଆ – ଖଇରା ନିର୍ବାଚନ ମଣ୍ଡଳୀର ଅଧିକାଂଶ ପଞ୍ଚାୟତର ଜନସାଧାରଣ ମାନେ ଉପକୃତ ହେବେ । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସିମୁଳିଆ – ଖଇରା ଔର ଜନସାଧାରଣଙ୍କ ସେବାରେ ଏହି ପ୍ରକଳ୍ପ ଉତ୍ସର୍ଗୀକୃତ କରିଥିବାରୁ ବିଧାୟକ ତାଙ୍କୁ ଅଶେଷ ଅଶେଷ ଧନ୍ୟବାଦ ଜ୍ଞାପନ କରିଛନ୍ତି । ଉକ୍ତ ୪୬ କୋଟି ଟଙ୍କାର ପ୍ରକଳ୍ପ ସିମୁଳିଆ – ଖଇରା ବ୍ଲକର ଜନସାଧାରଣଙ୍କ ସେବାରେ ଉତ୍ସର୍ଗୀକୃତ କରିଛନ୍ତି ବିଧାୟକ । ଆଗାମୀ ଦିନରେ ଆହୁରି ଅଧିକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନା କରାଯିବାର ଲକ୍ଷ୍ୟ ରହିଛି ବୋଲି ବିଧାୟକ କହିଛନ୍ତି । ଏହି କାର୍ଯ୍ୟକ୍ରମରେ ସାଂସଦ ମଞ୍ଜୁଲତା ମଣ୍ଡଳ ମଧ୍ୟ ସାମିଲ ଥିଲେ । ଏଥିରେ ହଜାର ହଜାର ସଂଖ୍ଯାରେ ଦଳୀୟ କର୍ମୀ ଓ ଜନସାଧାରଣ ଯୋଗଦେଇ ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମକୁ ସଫଳ କରିଥିଲେ ।।