କମଳାର୍ଜୁନ କଲେଜରେ ପରିମଳ ଅଭିଯାନ ଓ ସଫେଇ କାର୍ଯ୍ୟକ୍ରମ ଅନୁଷ୍ଠିତ
ବାଲେଶ୍ଵର,୧୫/୧୨/୨୩ – ଓଡିଶା ସରକାରଙ୍କର ନୂଆ-ଓ କାର୍ଯ୍ୟକ୍ରମ ଆନୁକୂଲ୍ୟରେ ଖଇରା ବ୍ଲକ ଅଧିନ ଗଣ୍ଡିବେଡ଼ ରାଣ୍ଡଖେଜୁରୀ(ମାଟିଆଳପଦା) ସ୍ଥିତ କମଳାର୍ଜୁନ ଉଚ୍ଚ ମାଧ୍ୟମିକ ବିଦ୍ୟାଳୟରେ ପରିମଳ ଅଭିଯାନ ଓ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଗଣ୍ଡିବେଡର ଅଗ୍ରଣୀ ସ୍ଵେଛାସେବୀ ସଂଗଠନ ଆଞ୍ଚଳିକ ଉନ୍ନୟନ ପରିଷଦର ସଭାପତି ମଦନ ମହଲା, ସମ୍ପାଦକ କୃଷ୍ଣ ଚନ୍ଦ୍ର ସାହୁ, ପଦ୍ମଲୋଚନ ଜେନା ଏବଂ ସମସ୍ତ ସଦସ୍ୟ 
ତଥା ଯୁବନେତା ଓ ସମାଜସେବୀ ବିଶ୍ୱ ଭୂଷଣ ପ୍ରଧାନ ଏବଂ ମଧୁସୁଦନ ଜେନାଙ୍କ ସହାୟତାରେ ଉଚ୍ଚ ବିଦ୍ୟାଳୟର ସମସ୍ତ କର୍ମଚାରୀ ଏବଂ ଛାତ୍ରଛାତ୍ରୀ ମାନଙ୍କୁ ନେଇ ଏକ ବିଶାଳ ସଚେତନତା ରାଲି ଗଣ୍ଡିବେଡ ବଜାର ଏବଂ ଆଖ ପାଖ ଅଞ୍ଚଳରେ ପରିକ୍ରମା କରିଥିଲା । ଛାତ୍ରଛାତ୍ରୀ ମାନେ ଗଣ୍ଡିବେଡ ବଜାର, ହାଟ, ଜଗନ୍ନାଥ ମନ୍ଦିର, ଲଙ୍କେଶ୍ୱର ମନ୍ଦିର, ଠାକୁରାଣୀ ମନ୍ଦିର ଏବଂ ପ୍ରାଥମିକ ଚିକିତ୍ସା କେନ୍ଦ୍ର ଆଦି ପରିସର ସଫା କରିଥିଲେ । ଅନୁଷ୍ଠାନର ସାମାଜିକ କାର୍ଯ୍ୟକ୍ରମ ଅଧିକାରୀ ଅମିତ କୁମାର ନାୟକ କାର୍ଯ୍ୟକ୍ରମର ସଂଯୋଜନା କରିଥିଲାବେଳେ ଅଧ୍ୟକ୍ଷ ଚିତ୍ତ ରଞ୍ଜନ ମୁଦୁଲି, ନୋଡାଲ ଅଧିକାରୀ ଜ୍ୟୋତିର୍ମୟ ପଣ୍ଡା, କ୍ରୀଡା ଅଧିକାରୀ ମନ୍ମଥ ପଣ୍ଡା, ସାଂସ୍କୃତିକ ଅଧିକାରୀ ଶଙ୍କର୍ଷନ ଜେନା , ଅଧ୍ୟାପିକା ଜୟନ୍ତୀ ଦାସ, ଜୟା ରାଣୀ ଘଡେଇ, ଜ୍ୟୋତ୍ସ୍ନାଞ୍ଜଳୀ ସାହୁ, ଅଧ୍ୟାପକ ଗିରିଜା ଶଙ୍କର ଦାସ, ଦୁର୍ଗା ଶଙ୍କର ଦାସ, ସୌମେନ୍ଦ୍ର ମିର୍ଦ୍ଧା, ପ୍ରଦୀପ ବଗୁଡେଇ, ସୁନୀଲ ନାୟକ, ଗୌରି ଶଙ୍କର ଦାସ, ସତ୍ୟବ୍ରତ ମହାରଣା, କର୍ମଚାରୀ ରାଜେଶ ପତି ଓ କୃଷ୍ଣ ଚନ୍ଦ୍ର ଶତପଥୀ କାର୍ଯ୍ୟକ୍ରମକୁ ସହଯୋଗ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
