ଆମ୍ବଗଡ଼ିଆ ବିକାଶ ପରିଷଦ ପକ୍ଷରୁ ମାଗଣା ଚକ୍ଷୁ ଚିକିତ୍ସା ଶିବିର
ବସ୍ତା,26/01 : ବେତନଟୀ ବ୍ଲକ୍ ଅନ୍ତର୍ଗତ ଆମ୍ବଗଡ଼ିଆ ପଞ୍ଚାୟତ ର ଭଗବାନପୁର ଗ୍ରାମରେ ଥିବା ସରକାରୀ ପ୍ରାଥମିକ ବିଦ୍ୟାଳୟ, ଭଗବାନପୁର ପରିସରରେ ଆମ୍ବଗଡ଼ିଆ ବିକାଶ ପରିଷଦ ଓ କିୟର ଓ୍ବେ ଇ.କ୍ଲିନିକ୍ ରୂପ୍ସା ର ମିଳିତ ସହଯୋଗରେ ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଅଛି । ରୋଗୀ ମାନଙ୍କ ମଧ୍ୟରେ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ଏକ ସଭାର ଆୟୋଜନ କରାଯାଇଥିଲା । ବିକାଶ ପରିଷଦ ର ସଭାପତି ଶ୍ରୀଯୁକ୍ତ ଅନ୍ତର୍ଯ୍ୟାମୀ ମହାପାତ୍ର ଙ୍କ ପ୍ରତ୍ୟକ୍ଷ ତତ୍ବାବଧାନରେ ସଭାକାର୍ଯ୍ୟ ପରିଚାଳିତ ହୋଇଥିଲା । ପ୍ରାରମ୍ଭରେ ପରିଷଦର ମୁଖ୍ୟ ଉପଦେଷ୍ଟା ଶ୍ରୀଯୁକ୍ତ ଚକ୍ରଧର ଆଚାର୍ଯ୍ୟ ଅତିଥିଙ୍କ ପରିଚୟ ପ୍ରଦାନ କରିଥିଲେ । ଆୟୋଜିତ ଶିବିରକୁ ଓଡ଼ିଶା ସରକାରଙ୍କ ପୂର୍ବତନ ଅର୍ଥ ପରାମର୍ଶ 
ଦାତା, ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ତଥା ସ୍ବତନ୍ତ୍ର ଶାସନ ସଚିବ ଶ୍ରୀଯୁକ୍ତ ଛୋଟରାୟ ମୁର୍ମୁ ମୁଖ୍ୟ ଅତିଥି ଭାବେ ଯୋଗଦାନ କରି ଉଦ୍ଘାଟନ କରିଥିଲେ । ଏହି ସଭାରେ ବୈଦିକ ଗୁରୁକୁଳ ଆଶ୍ରମ ପିଞ୍ଛାବଣିଆଁ ର ସଂଚାଳକ ଆଚାର୍ଯ୍ୟ ବିଜୟ ଜୀ ମୁଖ୍ୟ ବକ୍ତା ଭାବେ ଯୋଗଦେବା ସହିତ ବରେଣ୍ୟ ଅତିଥି ଭଗବାନପୁର ଗ୍ରାମ ପ୍ରତିଷ୍ଠାତା ଶ୍ରୀଯୁକ୍ତ ଭଗବାନ ମହାପାତ୍ର, ବାରିପଦା ର ବିଶିଷ୍ଟ ସମାଜସେବୀ ଶ୍ରୀମତୀ ଅଞ୍ଜନା ବେହେରା ,ଖୁଣ୍ଟାପୁର ର ସମାଜସେବୀ ଅକ୍ଷୟ କୁମାର ମିଶ୍ର, ଶିକ୍ଷକ ଶ୍ରୀଯୁକ୍ତ ବିଶ୍ୱନାଥ ପ୍ରଧାନ ପ୍ରମୁଖ ଅତିଥିଗଣ ଯୋଗଦାନ କରି ରୋଗୀମାନଙ୍କୁ ସ୍ବାସ୍ଥ୍ୟ ପ୍ରତି ସଚେତନ କରାଇଥିଲେ ।ଇ କ୍ଲିନିକ୍ ରୂପ୍ସା କିୟର ଓ୍ବେ ର ମୁଖ୍ୟ ସେବିକା ଚନ୍ଦ୍ରିକା ରାଣୀ ଜେନା, ସୁପ୍ରିତି ପାତ୍ର ଲକ୍ଷ୍ମୀପ୍ରିୟା ସାହୁ ତଥା ଅବସରପ୍ରାପ୍ତ ଚକ୍ଷୁ ସହାୟକ ଅମରେଶ କୁମାର ବିଶ୍ବାଳ ପ୍ରମୁଖ ଶିବିର ରେ ଉପସ୍ଥିତ ରହି ରୋଗୀ ମାନଙ୍କୁ ପରିକ୍ଷା କରାଇଥିଲେ । ସେହିପରି ନିଳୟ କୁମାର ମହାପାତ୍ର , ଦେବେନ୍ଦ୍ର ଆଚାର୍ଯ୍ୟ ଓ ହେମନ୍ତ ଦାସ ,ରେଜିଷ୍ଟ୍ରେସନ ରେ ସହଯୋଗ କରିଥିଲେ । ଏହି ଶିବିରରୁ ସର୍ବ ମୋଟ ୫୫ ଜଣ ରୋଗୀଙ୍କ ପରିକ୍ଷା କରାଯାଇଥିଲା । ଏହି ଅବସରରେ ବିଦ୍ୟାଳୟ ପରିସରରେ ବୃକ୍ଷ ରୋପଣ ସହିତ ରୋଗୀ ତଥା ବୃଦ୍ଧ ଓ ବୃଦ୍ଧାଙ୍କୁ ସମାଜସେବୀ ଶ୍ରୀମତୀ ଅଞ୍ଜନା ବେହେରା ଙ୍କ ପକ୍ଷରୁ ଶୀତ ବସ୍ତ୍ର କମ୍ବଳ ପ୍ରଦାନ କରାଯାଇଥିଲା । ପରିଶେଷରେ ପରିଷଦର ସଂପାଦକ ଶ୍ରୀଯୁକ୍ତ କୁଳ ମହାନ୍ତ ସମସ୍ତଙ୍କୁ ଧନ୍ୟବାଦ ଜଣାଇଥିଲେ ।
ବସ୍ତା ରୁ ଜଗତ କୁମାର ଗିରି ଙ୍କ ରିପୋର୍ଟ୍
