ଡାବୁଗାଁରେ ଭାଜପାର ୧୨ ଘଣ୍ଟିଆ ଜିଲା ବନ୍ଦ ପାଳିତ
ଡାବୁଗାଁ, ୩୦/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମାରେ ଭାଜପା ଯୁବମୋର୍ଚ୍ଚା ତରଫରୁ ୬ ଦଫା ଦାବୀ ନେଇ ୧୨ ଘଣ୍ଟିଆ ଜିଲା ବନ୍ଦ ଡକରାରେ ଡାବୁଗାଁ ବ୍ଲକ ରେ ମଧ୍ୟ ମଙ୍ଗଳବାର ବନ୍ଦ ପାଳିତ 
ହୋଇଯାଇଛି | ଉକ୍ତ ୬ ଦଫା ଦାବୀ ଗୁଡିକ ହେଲା:- ଜୟପୁର ଠାରୁ ନବରଙ୍ଗପୁର ପର୍ଯ୍ୟନ୍ତ ରେଳପଥ ନିର୍ମାଣ ପାଇଁ ରାଜ୍ୟ ସରକାର ଜମି ଯୋଗାଇ ଦେବା, ୩ୟ ଓ ୪ର୍ଥ ଶ୍ରେଣୀ କର୍ମଚାରୀ ପଦବୀ ଗୁଡିକ ଜିଲା ଭିତ୍ତିକ ନିଯୁକ୍ତି ପ୍ରଦାନ, ନବରଙ୍ଗପୁର ମହାବିଦ୍ୟାଳୟ ଓ ଉମରକୋଟ ପେଣ୍ଡ୍ରାଣୀ ମହାବିଦ୍ୟାଳୟକୁ ସରକାରୀ ମାନ୍ୟତା ପ୍ରଦାନ, ଜିଲାର ସମସ୍ତ ଚିକିତ୍ସାଳୟ ଓ ମୁଖ୍ୟ ଚିକିତ୍ସାଳୟକୁ ସାରକର ଡାକ୍ତର ଓ ବିଶେଷଜ୍ଞ ଡାକ୍ତର ଯୋଗାଇବା, 
ଉମରକୋଟ ରେ ନିର୍ମିତ ହେବାକୁ ଥିବା ୫ ସହ କୋଟି ଟଙ୍କାର ଇଥାନଲ ପ୍ରକଳ୍ପ ପାଇଁ ଜମି ଯୋଗାଇ ଦେବା , ଉମରକୋଟକୁ ସବଡିଭିଜନ ମାନ୍ୟତା ଏବଂ ବ୍ଲଡ଼ ବ୍ୟାଙ୍କ ପ୍ରତିଷ୍ଠା ପ୍ରମୁଖ ଦାବୀ ନେଇ ବନ୍ଦ ପାଳନ କରାଯାଇଥିଲା | ଏଥିରେ ଡାବୁଗାଁରେ ବନ୍ଦର ପ୍ରଭାବ ରେ ସମସ୍ତ ଦୋକାନ ବଜାର ବନ୍ଦ ରହିବା ସହ ଗାଡି ଚଳାଚଳ ବନ୍ଦ ରହିଥିଲା | ଏଥିରେ ଦିବାନ ସିଂ, ଦିବ୍ୟରଞ୍ଜନ ପାତ୍ର, ନରୁ ସିଂ, ପ୍ରବୀଣ ଅଗ୍ରୱାଲ, ପିଣ୍ଟୁ ଅଗ୍ରୱାଲ, ନରେଶ ସିଂ ଓ ଅନ୍ୟ ଭାଜପା କର୍ମୀ ମାନେ ଯୋଗ ଦେଇଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
