ନୂଆପଡା ଜିଲା ଖଡିଆଳ ଥାନା ଅନ୍ତର୍ଗତ ଚନାବେଡା ଗାଁରେ ଆଜି ଜଣେ ଆଖୁ ଚାଷି ନିଜର ଆଖୁ କିଆରି ରେ ଥିବା କୂଅରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡିଛି । ଆତ୍ମହତ୍ୟା କରିଥିବା ଆଖୁ ଚାଷି ଜଣକ ହେଲେ ଚନାବେଡା ଗାଁର କବିରାଜ ବେହେରା । ଖଡିଆଳ ପୋଲିସ ଘଟଣାସ୍ଥଳରେ ପହଂଚି ମୃତଦେହ ଉଦ୍ଧାର କରିବା ସହ ଖଡିଆଳ ଉପ ଖଣ୍ଡ ଡାକ୍ତରଖାନାକୁ ଶବ ବ୍ୟବଚ୍ଛେଦ ପାଇଁ ପଠେଇଛି । ହେଲେ ଆତ୍ମହତ୍ୟା କରିବାର କାରଣ ଏଯାଏଁ ଅସ୍ପଷ୍ଟ ରହିଥିବା ବେଳେ ପୋଲିସ ଘଟଣାର ତଦନ୍ତ ଜାରି ରଖିଛି । ଏବେ ମୃତ ଆଖୁ ଚାଷି କବିରାଜଙ୍କ ପତ୍ନି କେସିନୀ ବେହେରାଙ୍କ ସମେତ ତାଙ୍କ ଦୁଇପୁଅ ଓ ଦୁଇ ଝିଅ ଅଛନ୍ତି । ଏଣୁକରି ମୃତ ଆଖୁଚାଷିଙ୍କ ପରିବାର ଲୋକଙ୍କୁ ପ୍ରଶାସନ ତରଫରୁ ଆର୍ଥିକ ସହାୟତା ଯୋଗେଇ ଦେବାକୁ ଚନାବେଡା ଗ୍ରାମବାସି ଦାବି କରିଛନ୍ତି ।ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରାଯାଇଛି ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
