ଅସୁବିଧା
ତୃପ୍ତିରାଣୀ ପାତ୍ର
ସୁବିଧା ସୁଯୋଗ ଆସଇ ଜୀବନେ କରି ତା’ର ସମ୍ମୁଖୀନ
ହାତଛଡ଼ା ଯଦି କରିଦିଅ ଥରେ
ନଆସଇ କଦାଚନ ।
ସପନ ସମାନ ମଣିଷ ଜୀବନ
ପାଣି ଫୋଟକାର ସମ
ହୋଇଯାଏ ସିଏ କ୍ଷଣକେ ବିଲୀନ
ଆଖି ବୁଜେ ତେଜି ପ୍ରେମ ।
ଅନିତ୍ୟ ସଂସାର ଜାଲେ ଛନ୍ଦିହୋଇ
ସଂସାରକୁ ମଣି ହୀନ
ଘନିଷ୍ଠ ସଂପର୍କ ତୁଚ୍ଛ କରିଦେଇ
ଫେରିଯାଏ କରିକର୍ମ ।
ସୁବିଧା ଅସୁବିଧା ଅଟଇ ସତ୍ୟ
ମୁଦ୍ରା ଦୁଇ ପାର୍ଶ୍ଵ ସମ
ମନନେ ଚିନ୍ତନେ ଆସୁଥାଏ ନିତ୍ୟ
ଭରି ଦିବ୍ୟ ଅନୁପମ ।
ଜୀବନ ଘାଟରେ ଅନ୍ତିମ ବେଳରେ
ଆସେ କେତେ ଅସୁବିଧା
ହୁଏନାହିଁ କରି ଆୟତ ତାହାରେ
ଦେଲେ ଯେତେ ପ୍ରତିବାଧା ।
ମାନ ଅଭିମାନ ସୁଯଶ ସୁମନ
କୁସୁମ ସୁରଭି ତେଜି
ଅସୁବିଧା ଯାହା କରିବା ସୁବିଧା
ବିଭୁ ପ୍ରେମାମୃତ ଭଜି ।
ସହଦେବଖୁଣ୍ଟା ,ବାଲେଶ୍ଵର ।
