ଶିକ୍ଷକ ଙ୍କ ମାଡ଼ରେ ଛାତ୍ର ଲହୁ ଲୁହାଣ
ରାଇଘର ୨୧/୩:-କୁନ୍ଦେଇ ଥାନା ଅଧୀନରେ ଥିବା କାନାଡିହି ଗ୍ରାମର ଜଣେ ଛାତ୍ର ଶିକ୍ଷକ ଙ୍କ ମାଡ଼ରେ ଲହୁ ଲୁହାଣ ହୋଇଥିବା ଜଣାପଡିଛି |କୁନ୍ଦେଇ ଥାନାରେ ଦିଆ ଯାଇଥିବା ଏତଲା ଅନୁଯାୟୀ କାନାଡିହି ଗ୍ରାମର ଲଗନୁ ଶତନାମି ଙ୍କ ପୁଅ ଧନରାଜ ସତନାମୀ ନର୍ସରୀ ରେ ପାଠ ପଢୁଥିଲା ହାଟଭରଣ୍ଡି ସହିଦ ବିର୍ସାମୁଣ୍ଡା ଘରୋଇ ସ୍କୁଲ ରେ |ପ୍ରତିଦିନ ପରି ଗୁରୁବାର ମଧ୍ୟ ସକାଳ ୮ଟା ସମୟରେ ଓଟୋ ରେ ସ୍କୁଲ ଯାଇଥିଲା |ଦିନ ଗୋଟାଏ ବେଳେ ଓଟୋ ଵାଲା ଘରେ ପିଲାକୁ ଛାଡିବା ସମୟରେ କହିଥିଲା ଆଜି ପିଲାକୁ ସ୍କୁଲ ରେ ମାଡ଼ ହୋଇଛି |ଏହା ପରେ ପିଲାର ସାର୍ଟ ଖୋଲି ଦେଖିଲା ବେଳକୁ ପିଠି ସାରା ନୋଲା ଫାଟି ଯାଇଥିବା ଦେଖିବାକୁ ପାଇଥିଲେ |ପିଲାକୁ ପଚାରିବାରୁ କହିଥିଲା ସ୍କୁଲ ରେ ସାର ବାଡ଼ିରେ ପ୍ରବଳ ମାରିଥିବା କଥା |ଏହା ପରେ ଲଗନୁ କୁନ୍ଦେଇ ଥାନାରେ ଶିକ୍ଷକ ଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଅନୁରୋଧ କରିଥିଲେ |ଉକ୍ତ ଘଟଣାକୁ ନେଇ କୁନ୍ଦେଇ ଥାନା ଭାରପ୍ରାପ୍ତ ଅଧିକାରୀଙ୍କୁ ପଚାରିବାରୁ ଶିକ୍ଷକ ଜୟରାମ ଗଣ୍ଡ ଙ୍କୁ ଅଟକ ରଖିଥିବା ସହ ଥାନାରେ ଏକ ମାମଲା କେସ ନୋ ୪୯/୨୪ ରେ ରୁଜୁ କରିଥିବା ଥାନା ଅଧିକାରୀ ପ୍ରଶାନ୍ତ କୁମାର ସେଠି ପ୍ରକାଶ କରିଛନ୍ତି |