ନିର୍ବାଚନ ପ୍ରଚାର ଆରମ୍ଭ କଲେ କଂଗ୍ରେସ ନେତା ହିମାଂଶୁ ଶେଖର
ଖଇରା,୦୫/୪/୨୪- ସାଧାରଣ ନିର୍ବାଚନ ପାଖେଇ ଆସୁଥିବା ବେଳେ ବିଭିନ୍ନ ଦଳର ନେତାମାନେ ନିଜ ନିଜର ରାଜନୈତିକ କ୍ଷେତ୍ରରେ ପ୍ରଚାର ଆରମ୍ଭ କରିଥିବାର ନଜରକୁ ଆସିବାରେ ଲାଗିଛି । ଏହି ପରିପ୍ରେକ୍ଷୀରେ ବାଲେଶ୍ଵର ଜିଲ୍ଲା ସିମୁଳିଆ – ଖଇରା ନିର୍ବାଚନ ମଣ୍ଡଳୀର କଂଗ୍ରେସ ନେତା ହିମାଂଶୁ ଶେଖର ବେହେରା ତାଙ୍କର ନିର୍ବାଚନ ପ୍ରଚାର କାର୍ଯ୍ୟ ଆରମ୍ଭ କରିଛନ୍ତି । ଖଇରା ବ୍ଲକ ଅନ୍ତର୍ଗତ ଗଗନଧୂଳି ଏବଂ ଡାଲଙ୍ଗ ପଞ୍ଚାୟତରେ ଥିବା ମହାପ୍ରଭୁ ଶ୍ରୀଜଗନ୍ନାଥଙ୍କ ଠାରୁ ଆଶୀର୍ବାଦ ଗ୍ରହଣ କରି ବାଇକ୍ ରାଲି ଆରମ୍ଭ କରିଛନ୍ତି । ବାଇକ ଯୋଗେ ଗଗନଧୂଳି ଓ ଡାଲଙ୍ଗ ପଞ୍ଚାୟତ ପରିକ୍ରମା କରି କଂଗ୍ରେସ ବାର୍ତ୍ତା ସମସ୍ତଙ୍କ ନିକଟରେ ପହଞ୍ଚାଇଥିଲେ । ଏଥର ଏକ ମାତ୍ର ବିକଳ୍ପ କଂଗ୍ରେସ ବୋଲି ରାଲି ମାଧ୍ୟମରେ ଲୋକମାନଙ୍କୁ ସଚେତନ କରାଇଲେ ଖଇରା ବାସିନ୍ଦା ତଥା କଂଗ୍ରେସର ଟାଣୁଆ ନେତା ହିମାଂଶୁ ଶେଖର ବେହେରା । ଲୋକମାନଙ୍କର ମଧ୍ୟ କଂଗ୍ରେସ ନେତା ଶ୍ରୀ ବେହେରାଙ୍କ ପ୍ରତି ସମର୍ଥନ ବଢୁଥିବାର ଖବର ସଂଗ୍ରହୁ ଜାଣିବାକୁ ମିଳୁଛି । ଯଦି ଏହିଭଳି ସମର୍ଥନ ଜାରି ରହେ ଆଗାମୀ ଦିନରେ ନିଶ୍ଚୟ ଜୟଯୁକ୍ତ ହେବେ ବୋଲି ଅଞ୍ଚଳରେ ଆଲୋଚନା ଜୋରଦାର ଆରମ୍ଭ ହୋଇଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
