ଅବସରପ୍ରାପ୍ତ ହିନ୍ଦୀ ଶିକ୍ଷକଙ୍କ ପରଲୋକ
ଖଇରା,୧୨/୫/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ନୟାଖଣ୍ଡି ପଞ୍ଚାୟତ ବେଗୁନିଆ ଗ୍ରାମର ଭୋଳାନାଥ ମହାନ୍ତିଙ୍କର ତା ୧୨/୫/୨୪ ରିଖ ରବିବାର ପରଲୋକ ହୋଇ ଯାଇଛି । ମୃତ୍ୟୁ ବେଳକୁ ତାଙ୍କୁ ୯୦ ବର୍ଷ ବୟସ ହୋଇଥିଲା । ସେ କିଛି ଦିନ ଧରି ବାର୍ଦ୍ଧକ୍ୟ ଜନିତ ଅସୁସ୍ଥ ଥିଲେ । ଖଇରା ସରକାରୀ ହାଇସ୍କୁଲର ହିନ୍ଦୀ ଶିକ୍ଷକ ଥିଲେ । ତାଙ୍କ ଜୀବନ କାଳ ମଧ୍ୟରେ କୌଣସି ଦିନ ଗୋଡ଼ରେ ଚପଲ ପିନ୍ଧି ନଥିଲେ । ତାଙ୍କର ବିଧବା ପତ୍ନୀଙ୍କ ସମେତ ୫ପୁଅ, ୧ ଝିଅ ଅଛନ୍ତି । କିଛି ବର୍ଷ ପୂର୍ବେ ତାଙ୍କର ପୁତ୍ର ଖଇରା ମହାବିଦ୍ୟାଳୟରେ ଚାକିରି କରିଥିବା ସମୟରେ ସ୍ବର୍ଗତ ଭକ୍ତ କିଶୋର ମହାନ୍ତିଙ୍କ ସଡ଼କ ଦୁର୍ଘଟଣାରେ ମୃତ୍ୟୁ ବରଣ କରିଥିଲେ । ଶ୍ରୀ ମହାନ୍ତି ଜଣେ ସଚ୍ଚୋଟ, ନିଷ୍ଠାପର, ମିଷ୍ଟଭାଷୀ, ଭଦ୍ର ବ୍ଯାକ୍ତି ଥିଲେ । ତାଙ୍କର ମୃତ୍ୟୁ ଖବର ପାଇବା ପରେ ଖଇରା ଅଞ୍ଚଳବାସୀ ଓ ମାନ୍ଯମାନ ଭଦ୍ରବ୍ୟକ୍ତି ଓ ତାଙ୍କ ଆଦର୍ଶରେ ଗଢ଼ିଉଠିଥିବା ଛାତ୍ରଛାତ୍ରୀ ମାନେ ଯାଇ ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ । ତାଙ୍କ ଦେହାନ୍ତ ଖବର ଶୁଣି ସମ୍ପୃକ୍ତ ଅଞ୍ଚଳରେ ଶୋକର ଛାୟା ଖେଳିଯାଇଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
