ଅବସରପ୍ରାପ୍ତ ତହସିଲ କର୍ମଚାରୀଙ୍କ ହୃଦଘାତରେ ମୃତ୍ୟୁ
ଖଇରା,୧୪/୫/୨୪- ବାଲେଶ୍ଵର ଜିଲ୍ଲା ଖଇରା ତହସିଲର ଅବସରପ୍ରାପ୍ତ କର୍ମଚାରୀ ପୂର୍ଣ୍ଣ ଚନ୍ଦ୍ର ରଥ(୬୨) ଙ୍କର ତା ୧୩/୫/୨୪ ରିଖ ସୋମବାର ହୃଦଘାତରେ ମୃତ୍ୟୁ ହୋଇଯାଇଛି । ସ୍ବର୍ଗତ ରଥଙ୍କ ଘର ଖଇରା ତହସିଲ ଅନ୍ତର୍ଗତ ମାଣତ୍ରୀ ଗ୍ରାମରେ । କୌଣସି କାର୍ଯ୍ୟରେ ସନ୍ଧ୍ୟାରେ ନିକଟସ୍ଥ ଅଡା ବଜାରକୁ ଯାଇଥିଲେ । ସେଠାରେ ହଠାତ୍ ମୁଣ୍ଡ ବୁଲେଇ ଦେବାରୁ ତଳେ ପଡିଯାଇଥିଲେ । ଚିକିତ୍ସା ପାଇଁ ସଙ୍ଗେ ସଙ୍ଗେ ଭଦ୍ରକ ମେଡ଼ିକାଲ ଓ ପରେ ଭୁବନେଶ୍ୱରର କେୟାର ମେଡ଼ିକାଲକୁ ନେଉଥିବା ବେଳେ ବାଟରେ ହଠାତ୍ ତାଙ୍କର ମୃତ୍ୟୁ ଘଟିଥିଲା । ତାଙ୍କର ବିଧବା ପତ୍ନୀ ସହିତ ୧ ପୁଅ ଓ ୧ ଝିଅ ଅଛନ୍ତି । ଖବରପାଇ ତା ୧୪/୫/୨୪ରିଖ ସକାଳେ ଖଇରା ତହସିଲ ଅଫିସର କର୍ମଚାରୀ ମାନେ ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ । ତହସିଲ ଅଧିନରେ ଥିବା ବିଭିନ୍ନ ଆର ଆଇ ଅଫିସରେ ପିଅନ ଭାବେ କାର୍ଯ୍ୟ କରି ୨୦୨୧ ମସିହାରେ ଚାକିରୀରୁ ଅବସର ନେଇଥିଲେ । ସେ ଜଣେ ସଚ୍ଚୋଟ ଓ ସୁଦକ୍ଷ କର୍ମଚାରୀ ଥିଲେ । ଲୋକଙ୍କୁ ସେବା ଦେବାରେ କୌଣସି ଅବହେଳା କରିନଥିଲେ । ଉତ୍ତମ ଵ୍ଯଵହାର, କର୍ମନିପୁଣତା, ଉତ୍ତମସେବା, ମଧୁର ବଚନ, ମିଷ୍ଟଭାଷୀ, ସ୍ନେହୀ, ସରଳ ଓ ସଚ୍ଚୋଟତା ପାଇଁ ତହସିଲ କାର୍ଯ୍ୟାଳୟରେ ସୁନାମ ଅର୍ଜନ କରିଥିଲେ । ସେ ମଧ୍ୟ ଜଣେ ଉତ୍ତମ ସମାଜସେବୀ ଥିଲେ । ବିଜୁଳି ବେଗରେ ତାଙ୍କ ମୃତ୍ୟୁ ଖବର ସମ୍ପୃକ୍ତ ଅଞ୍ଚଳରେ ଖେଳିଯିବା ପରେ ବହୁ ଲୋକ ଘରେ ପହଞ୍ଚି ଶେଷ ଦର୍ଶନ କରିଥିଲେ । ମାଣତ୍ରୀ ପଞ୍ଚାୟତର ପୂର୍ବତନ ସମିତି ସଭ୍ୟ ତଥା ବର୍ତ୍ତମାନର ମା ଚଣ୍ଡୀ ମନ୍ଦିର ଟ୍ରଷ୍ଟି ପ୍ରଫୁଲ୍ଲ କୁମାର ଦାସ ଖବରପାଇ ତାଙ୍କ ଘରେ ପହଞ୍ଚି ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
