ପୁନୁ ଭତ୍ରା ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ
ଡାବୁଗାଁ, ୫/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକର ଜୁନାପାଣି ପଞ୍ଚାୟତ ଅଧୀନ ଗିର୍ଲା ଗ୍ରାମ ଖେଳ ପଡିଆରେ ପୁନୁ ଭତ୍ରା ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ ରବିବାର ସନ୍ଧ୍ୟାରେ ଉଦଯାପିତ ହୋଇଯାଇଛି | ଏହି ଟୁର୍ଣ୍ଣାମେଣ୍ଟ ଡିସେମ୍ବର ୨୭ ତାରିଖ ଦିନ ଆରମ୍ଭ ହୋଇଥିଲା | 
ଆଜି ଫାଇନାଲ ମ୍ୟାଚ ଟି ଡ଼ଙ୍ଗରିଗୁଡା ଦଳ ଓ ଝରିଗୁଡା ପପୁ-୧୧ ଦଳ ମଧ୍ୟରେ ଅନୁଷ୍ଠିତ ହୋଇଥିଲା | ଏଥିରେ ଡ଼ଙ୍ଗରିଗୁଡା ଦଳ ଟସ ଜିତି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୫ ଓଭରରେ ୮ ୱିକେଟ ହରାଇ ୧୧୦ ରନ ସଂଗ୍ରହ କରିଥିଲେ | ଝରିଗୁଡା ପପୁ-୧୧ ଦଳ ୧୩ ଓଭର ରେ ୨ ୱିକେଟ ହରାଇ ୧୧୫ ରନ ସଂଗ୍ରହ କରି ବିଜୟ ହାସଲ କରିଥିଲା | ନିରଞ୍ଜନ ପୂଜାରୀ ଓ ସନାଧର ମାଝି ଆମ୍ପାୟାର ଦାୟିତ୍ଵ ତୁଲାଇ ଥିଲେ | ଶେଷରେ ଆୟୋଜିତ ସଭାରେ ମୁଖ୍ୟ ଅତିଥି ଭାବେ ଡାବୁଗାଁ ବିଧାୟକ ମନୋହର ରନ୍ଧାରୀ ଯୋଗ ଦେଇ ବିଜୟୀ ଝରିଗୁଡା ପପୁ-୧୧ ଦଳକୁ 
ଟ୍ରଫି ସହ ୨୦ ହଜାର ଟଙ୍କା ଓ ପରାଜିତ ଡ଼ଙ୍ଗରିଗୁଡା ଦଳକୁ ଟ୍ରଫି ସହ ୧୫ ହଜାର ଟଙ୍କା ପୁରସ୍କାର ପ୍ରଦାନ କରଯାଇଥିଲା | ଏଥିରେ ମ୍ୟାନ ଅଫ ଦି ମ୍ୟାଚ ଭାବେ ଗୋପବନ୍ଧୁ ସମରଥ ଓ ମ୍ୟାନ ଅଫ ଦି ସିରିଜ ଭାବେ କର୍ଣ୍ଣ ହରିଜନ ଙ୍କୁ ଟ୍ରଫି ଦେଇ ସମ୍ମାନୀତ କରଯାଇଥିଲା | ଏହି ସଭାରେ ସମ୍ମାନୀତ ଅତିଥି ଭାବେ ବ୍ଲକ ଅଧ୍ୟକ୍ଷା ବୀଣା ମାଝି, ଜିଲାପରିଷଦ ସଭ୍ୟ ଧନସିଂ ଭତ୍ରା, ଜୁନାପାଣି ସରପଞ୍ଚ ଦୟାନିଧି ଭତ୍ରା, ବ୍ଲକ ବିଜେଡି ସଭାପତି ସୁରେନ୍ଦ୍ର କୁମାର ମିଶ୍ର, ବିଧାୟକ ପ୍ରତିନିଧି ଏମ୍. ବୁଲୁ ରାଓ ଓ ବିଜେଡି ବରିଷ୍ଠ ସଦସ୍ୟ ଏମ୍. ଆପ୍ପା ରାଓ ପ୍ରମୁଖ ଉପସ୍ଥିତ ଥିଲେ | ଏଥିରେ କମିଟି ଭାବ ନିରଞ୍ଜନ ପୂଜାରୀ, ରଘୁନାଥ ଭତ୍ରା, ରାମଫୁଲ ଭତ୍ରା, ଶ୍ରବଣ ମାଝି, ଶୁକରାମ ମାଝି, ସୁନାଧର ମାଝି, ରମେଶ ଭତ୍ରା, ଲଛମୀ ଭତ୍ରା, କୃଷ୍ଣ ଗୌଡ, ଶଙ୍କର ଭତ୍ରା ଓ ବିଶ୍ଵନାଥ ମାଝି ପ୍ରମୁଖ ପରିଚାଳନା କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା ଙ୍କ ରିପୋର୍ଟ
