ମାଁ ଭଣ୍ଡାରୁଣୀ କ୍ରିକେଟ, ଅମଲିପଦର ଚମ୍ପିୟାନ
ନବରଙ୍ଗପୁର:(୭|୧ )(ରବି ନାରାୟଣ ମହାନ୍ତି)-ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଅନ୍ତର୍ଗତ ଜମାଦାରପଡା କ୍ରିକେଟ ଷ୍ଟାଡିୟମ ଠାରେ ଜମାଦାରପଡା କ୍ରିକେଟ କ୍ଲବ ଆନୁକୂଲ୍ୟରେ ଚାଲିଥିବା ମାଁ ଭଣ୍ଡାରୁଣୀ କ୍ରିକେଟ ପ୍ରତିଯୋଗିତା ଆଜି ଉଦଯାପିତ ହୋଇଯାଇଛି।ଆଜିର ଫାଇନାଲ ମ୍ୟାଚ ଛତିଶଗଡ ରାଜ୍ୟ ଅମଲିପଦର ବନାମ କୋଇବା ମଧ୍ୟରେ ଖେଳାଯାଇଥିଲା । ୧୦ ଓଭର ବିଶିଷ୍ଟ ମ୍ୟାଚରେ ପ୍ରଥମେ କୋଇବା ଦଳ ପ୍ରଥମେ ବ୍ୟାଟିଂ କରି ୬୦ ରନ ସଂଗ୍ରହ କରିଥିଲା । ୬୧ ରନର ସହଜ ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ଅମଲିପଦର ଦଳ ମାତ୍ର ଗୋଟିଏ ୱିକେଟ ବିନିମୟ ରେ ଲକ୍ଷ ହାସଲ କରି ଚମ୍ପିୟାନ ହୋଇଥିଲା । ତ୍ରିପତି ଦଳେଇଙ୍କ ସଭାପତିତ୍ୱରେ ଆୟୋଜିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଝରୀଗାଁ ବିଧାୟକ ନରସିଂହ ଭତ୍ରା, ସମ୍ମାନୀତ ଅତିଥି ଭାବେ ବରିଷ୍ଠ ବିଜେପି ନେତା ଗୋବିନ୍ଦ କୁମାର ଜୈନ,ବିଧାୟକଙ୍କ ପ୍ରତିନିଧି ପ୍ରତାପଚନ୍ଦ୍ର ବାଘ , ସରପଞ୍ଚ କୃଷ୍ଣ ଜାନି, ସମିତି ସଭ୍ୟା ହୀରାମଣି ଠେଲା, ଚନ୍ଦାହାଣ୍ଡି ମଣ୍ଡଳ ସଭାପତି ଭୋଦେବ ବାଘ, ନାଏବ ସରପଞ୍ଚ ଗୋଲାପୀ ଗୋପାଳ , ପ୍ରଭାତ ସୁନା,ମଧୁସୂଦନ ନାଗେଶ, ପ୍ରଫୁଲ୍ଲ ପ୍ରଧାନୀ ପ୍ରମୁଖ ଯୋଗ ଦେଇଥିଲେ। ବିଜୟୀ ଦଳ କୁ ୧୫ ହଜାର ଟଙ୍କା ଓ ଟ୍ରଫି ଏବଂ ଉପବିଜେତା ଦଳ କୁ ୧୦ ହଜାର ଟଙ୍କା ଓ ଟ୍ରଫି ଅତିଥି ମାନେ ପ୍ରଦାନ କରିଥିଲେ। ଫାଇନାଲ ମ୍ୟାଚ ରେ ଉତ୍ତମ ପ୍ରଦର୍ଶନ କରିଥିବା ଡୁଗୁ ଠାକୁର ଙ୍କୁ ମ୍ୟାନ ଅଫ ଦି ମ୍ୟାଚ ଏବଂ ସିରିଜ ର ଶ୍ରେଷ୍ଠ ଖେଳାଳି ଭାବେ ଭାନୁ ଯାଦବ ଙ୍କୁ ପୁରସ୍କୃତ କରାଯାଇଥିଲା।ଆଜିର ମ୍ୟାଚ ରେ ଚେନସିଂ ବାଘ ଏବଂ ଭିକାରୀ ପଟେଲ ଅମ୍ପାୟାର, ତ୍ରିନାଥ ପୋଡ ଓ ଭୀମସେନ ଦାଣ୍ଡିଆ ଧାରାବିବରଣୀ ପ୍ରଦାନ କରିଥିଲେ ।ଅନିଲ ଜଗତ ସ୍କୋରର ଦାୟିତ୍ୱ ତୁଲାଇଥିଲେ। ଜମାଦାରପଡା କ୍ରିକେଟ କ୍ଲବ ର ସଦସ୍ୟ ଭୂପେନ୍ଦ୍ର ଚୌହାନ,ଲଳିତ କୁମାର ହାତୀ, ବିରେନ୍ଦ୍ର ହରିଣା ,ଜିତୁ ପଟେଲ, କଣ୍ଠେଶ୍ୱର୍ ଗୋପାଳ,ରାଜୁ ଜାଲ ,ସଞ୍ଜୟ ଅମାଡ଼ରା,ସୀମା ବାହୁକ,ଖେଳ ପରିଚାଳନା କରିଥିଲେ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
