କଳା ଜହ୍ନ
ବାସନ୍ତୀ ଲତା ଜେନା
ଜୟ ଜୟ କଳା ଜହ୍ନ ଜଗତ ଜୀବନ
ତଵ ଶ୍ରୀଚରଣେ ମୋର ଏହି ନିବେଦନ
ତୁମେ ଆଦି ତୁମେ ଅନ୍ତ ହେ ଚକାନୟନ ( ଘୋଷା )
ଦୀନ ଦୁଃଖି ବୋଲି ମୋତେ ନ ଦିଅ ଦୂରେଇ
ପାଖେ ପାଖେ ଥିବି ସଦା ଦିନ ରା଼ତି ମୁହିଁ
ଏହି କୃପା ଭିକ୍ଷା କରେ ମୋ ଜୀବନ ଧନ ( ୧ )
ତୋର ବଡ଼ ଦଣ୍ଡେ ମୋତେ ଆଶ୍ରା ଟିକେ ଦେବ
ତୋର ନାମ କିର୍ତ୍ତନରେ ଦିନ ମୋ ସରିବ
ପାଶେ ଥାଇ ଦେଖୁ ଥିବି ପତିତପାବନ ( ୨ )
ଦୁଃଖ ସୁଖ ଭୂଲି ଯିବି ତୋର ମୁଖ ଚାହିଁ
ଭବ ସାଗରୁ ଉଦ୍ଧାର ହେ କଳା ଗୋସାଇଁ
ଅନ୍ତର୍ଯ୍ୟାମୀ ନାଥ ତୁମେ ହେ କଳା କାଞ୍ଚନ ( 3 )
ଅଭଡ଼ା ଭୁଞ୍ଜିବି ପ୍ରଭୁ ଆନନ୍ଦ ବଜାରେ
ଟଙ୍କ ତୋରାଣିରୁ ମୁନ୍ଦେ ପିଇବି ଖୁସିରେ
ଏହି ଆଜ୍ଞା ମୋତେ ହେଉ କାଳୀୟ ଗଞ୍ଜନ ( ୪ )
ଅନ୍ତିମ କାଳକୁ ଯିବି ତୋର ସ୍ୱର୍ଗ ଦ୍ୱାର
ଆଖିରେ ମୋ ରହି ଥିବ ହେ କଳା ଠାକୁର
ଏତିକି କରୁଣା ହେଉ କମଳ ଲୋଚନ ( ୫ )
ଗାନ୍ଧୀନଗର, ପୋଷ୍ଟ / ଜିଲ୍ଲା : ନବରଙ୍ଗପୁର l
