ସକାଳର ଜଣାଣ
ବିଜୟ କୁମାର ଜେନା
ଜଗତର ହିତ ସାଧନ ପାଇଁତ
ତୁମେ ପରା ନାଥ ଅଛ
ପଥରକୁ ଦେବ ପାରଶ କରୁଛ
କାଚ କାଞ୍ଚନ ସମନ୍ଧ।
କାହାରିକି କେବେ ଭୋକିଲା ରଖନି
ତୁମ ସୃଷ୍ଟି ଧରା ଧାମେ
କରମ ଯୋଗରେ ଯୋଗ କରାଇଛ
ପ୍ରତି ପ୍ରାଣୀ ପ୍ରତି ମନେ।
ମଣିଷ ଶରୀର ଆହା କି ଦୁର୍ଲଭ
ଦୟା କ୍ଷମା କେତେ ଗୁଣ
ଭାବିବାକୁ ଏକ ହୃଦୟ ଦେଇଛ
ତାରିପାରେ ତୁମ ନାମ।
ଏସବୁ ଗୁଣକୁ ହେଳା କରିବାନି
ସତ ବ୍ୟବହାର କର
ସଂସାର ଭିତରେ ଚଳିତ ପାରିଲେ
ମଣିଷ ଜୀବନ ସାର।
ଜଗନ୍ନାଥ ସ୍ଵାମୀ ଦେଖୁଛନ୍ତି ସବୁ
ରଖିବା ଏଥିରେ ଧ୍ୟାନ
ପଙ୍କିଳ ସଂସାରୁ ଉଦ୍ଧାରିବେ ପ୍ରଭୁ
ପାଇଯିବା ପରିତ୍ରାଣ।
ଅବସର ପ୍ରାପ୍ତ ପ୍ରାଧ୍ୟାପକ ଶାମୁକା ସାହି ରଣପୁର ନୟାଗଡ଼
