ସୁଶୀଳାବତୀ ସରକାରୀ ମହିଳା ମହାବିଦ୍ୟାଳୟ ପକ୍ଷରୁ ତ୍ରିରଙ୍ଗା ଶୋଭାଯାତ୍ରା
ରାଉରକେଲା: ସେକ୍ଟର ୨ ସ୍ଥିତ ସୁଶୀଳାବତୀ ସରକାରୀ ମହିଳା ମହାବିଦ୍ୟାଳୟ ର ସାଂସ୍କୃତିକ ପରିଷଦ ଏବଂ ଜାତୀୟ ସେବା ଯୋଜନାର ମିଳିତ ଉଦ୍ୟମରେ ହରଘର ତ୍ରିରଙ୍ଗା ଶୋଭାଯାତ୍ରା ଆଜି ଅନୁଷ୍ଠିତ ହୋଇଯାଇଛି। ସାଂସ୍କୃତିକ ପରିଷଦ ଓ ଜାତୀୟ ସେବା ଯୋଜନାର ସଂଯୋଜକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କାର୍ଯ୍ୟକ୍ରମ 
ଆୟୋଜିତ ହୋଇଥିଲା l କଲେଜର ଅଧ୍ୟକ୍ଷା ଇପଶିଵା ଏକ୍କା ମୁଖ୍ୟ ଅତିଥି ଭାବେ ଯୋଗ ଦେଇ ପତାକା ଦେଖାଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ l ପ୍ରାଧ୍ୟାପକ ପ୍ର. ମାନସ ବେହେରା, ଅଧ୍ୟାପକ ପ୍ରକାଶ ସୋରେଙ୍ଗ , ସମାଜସେବୀ ବିବେକାନନ୍ଦ ଦାସଙ୍କ ସମେତ କଲେଜ ର ଅନ୍ୟ ଅଧ୍ୟାପକ ଓ ଅଧ୍ୟାପିକାବୃନ୍ଦ, କଲେଜର ଛାତ୍ରୀ ପ୍ରମୁଖ ଯୋଗଦେଇ ଶୋଭାଯାତ୍ରାରେ ସାମିଲ ହୋଇଥିଲେ l ପ୍ରାରମ୍ଭରେ 
ଜାତୀୟ ସଂଗୀତ ଗାନ କରାଯାଇଥିଲା l ସମସ୍ତେ ତ୍ରିରଙ୍ଗା ଧରି ବିଭିନ୍ନ ଜାତୀୟତା ବୋଧ ଧ୍ୱନୀ ଦେଇ ଶୋଭାଯାତ୍ରା ରେ ଯାଇଥିଲେ l ଏହି ଶୋଭାଯାତ୍ରା ସେକ୍ଟର ୨ କଲେଜ ପରିସରରୁ ବାହାରି ଟାଉନ ସର୍ଭିସ ଅଫିସ ଛକ, ରିଙ୍ଗ ରୋଡ଼ ହୋଇ ସେକ୍ଟର ୨ ଛକ ଦେଇ ପୁଣି କଲେଜ ପରିସରକୁ ଫେରିଥିଲା l ଘରଘର ତ୍ରିରଙ୍ଗା – ହରଘର ତ୍ରିରଙ୍ଗା କାର୍ଯ୍ୟକ୍ରମ କୁ ସଫଳ କରିବା ପାଇଁ ଆହ୍ୱାନ ଦିଆଯାଇଥିଲା l ସାଂସ୍କୃତିକ ପରିଷଦ ଓ ଜାତୀୟ ସେବା ଯୋଜନାର ସ୍ବେଚ୍ଛାସେଵୀଗଣ ଓ ଷ୍ଟାଫ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
