ରୋଟାରୀ କ୍ଲବ୍ ଜିଲ୍ଲା ୩୨୬୧ ର ଟିମ୍ ଓଜସ୍ବୀ ଉଦଘାଟିତ
ରାଉରକେଲା: ରୋଟାରୀ କ୍ଲବ ଜିଲ୍ଲା ୩୨୬୧ କୁ ଅଧିକ ନମନୀୟ, ଅଧିକ ବିବିଧ, ଅଧିକ ଟେକ୍ନୋଲୋଜି-ସକ୍ଷମ ଏବଂ ଅଧିକ ସ୍ପନ୍ଦନଶୀଳ କରିବା ପାଇଁ ଜିଲ୍ଲା ଗଭର୍ଣ୍ଣର ୨୦୨୬-୨୭ ଙ୍କ କାର୍ଯ୍ୟାଳୟ ରେ ଟିମ୍ ଓଜସ୍ବୀ କୁ ରାଉରକେଲାର ସିଭିଲ ଟାଉନସିପ ସ୍ଥିତ ଜେଜେ/୯ ଠାରେ ଉନ୍ମୋଚିତ କରାଯାଇଛି। ଏହି ପବିତ୍ର ଅବସରରେ ପିଡିଜି ଏଫ୍ ସି ମହାନ୍ତି, ପିଡିଜି ମଞ୍ଜିତ ସିଂହ ଆରୋରାଙ୍କ ସମେତ ବହୁ ବରିଷ୍ଠ ରୋଟାରିଆନ୍ ମାନେ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ। ଜିଲ୍ଲାର ବିଭିନ୍ନ ରୋଟାରୀ କ୍ଲବର ସଭାପତି, ପୂର୍ବତନ ସଭାପତି ଏବଂ ରାଉରକେଲାର ବିଭିନ୍ନ ରୋଟାରୀ କ୍ଲବରୁ ପ୍ରାୟ ୮୦ ଜଣ ରୋଟାରିଆନ୍ 
କାର୍ଯ୍ୟକ୍ରମରେ ଯୋଗ ଦେଇଥିଲେ। ସମସ୍ତେ ଡିଷ୍ଟ୍ରିକ୍ଟ ଗଭର୍ଣ୍ଣର୍ ୨୦୨୬-୨୭ ର ଆଲାମ ସିଂହ ରୂପ୍ରା ଏବଂ ପ୍ରଥମ ମହିଳା ହରପାଲ ରୂପ୍ରାଙ୍କୁ ସେମାନଙ୍କ କାର୍ଯ୍ୟକାଳର ସଫଳତା ପାଇଁ ଶୁଭେଚ୍ଛା ଜଣାଇଥିଲେ। ଡିଜି ଆଲାମ ସିଂହ ରୂପ୍ରା ତାଙ୍କ ଭାଷଣରେ ଜିଲ୍ଲା ୩୨୬୧କୁ ଅଧିକ କ୍ରୀୟାଶୀଳ ଓ ଆଗକୁ ନେବା ପାଇଁ ସମସ୍ତଙ୍କୁ ସମର୍ଥନ କରିବାକୁ ଅନୁରୋଧ କରିଥିଲେ। ଶେଷରେ ସେ ୨୦୨୬-୨୭ ରୋଟାରୀ ବର୍ଷ ପାଇଁ ଟିମ୍ ଓଜସ୍ବୀ ର ଅଂଶ ହେବାକୁ ଥିବା କିଛି ରୋଟାରିଆନଙ୍କ ନାମ ଘୋଷଣା କରିଥିଲେ। ଯେଉଁମାନେ ଜିଲ୍ଲାରେ ତାଙ୍କ କାର୍ଯ୍ୟକାଳ ମଧ୍ୟରେ ବିଭିନ୍ନ ପଦବୀରେ ରହି ତାଙ୍କୁ ସହାୟତା କରିଥିଲେ। ଏହି କାର୍ଯ୍ୟକ୍ରମ ସୈ।ହାର୍ଦ୍ଦପୂର୍ଣ୍ଣ ବାତାବରଣ ରେ ସମାପନ ହୋଇଥିଲା।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
