ଅସହାୟ ପରିବାରର ପ୍ରତିପୋଷଣ ପାଇଁ ଗୋ ସମ୍ପତି ଦାନ କଲେ ଶ୍ରୀ ଜଗନ୍ନାଥ ଟ୍ରଷ୍ଟ
କଟକ: କେନ୍ଦ୍ରାପଡ଼ା ଜିଲ୍ଲା କେନ୍ଦ୍ରାପଡ଼ା ବ୍ଲକ୍ ଅନ୍ତର୍ଗତ ଚକ୍ରୋଡା ଗ୍ରାମପଞ୍ଚାୟତ ର ନରିଲୋ ଗ୍ରାମରେ ବସବାସ କରନ୍ତି ହରିହର ମଳିକଙ୍କ ପରିବାର l ୮ବର୍ଷ ର ପୁଅ, ୫ବର୍ଷ ର ଝିଅ ଓ ସ୍ତ୍ରୀ ଙ୍କୁ ନେଇ ଆଗକୁ ଚାଲିଥାଏ ତାଙ୍କର ସୁଖୀ ପରିବାର l ହରିହର ମଳିକ ଦିନ ମଜୁରିଆ କାମକରି ତାଙ୍କର ଗୁଜୁରାଣ ମେଣ୍ଟାନ୍ତି l କାହିଁକି କେଜାଣି ଏହି ପରିବାରକୁ କାହାର ନଜର ଲାଗିଯାଏ, ଗତ ଜୁନ ୨୧ ତାରିଖ ରେ ବିଦୁତ୍ ଆଘାତରେ ତାଙ୍କର ଅକାଳ ବିୟୋଗ ହୁଏ l ତାଙ୍କ ପରିବାରରେ ହରିହରଙ୍କ ବ୍ୟତୀତ ଆଉ କେହି ରୋଜଗରକ୍ଷମ ନଥିବାରୁ ତାଙ୍କ ସ୍ତ୍ରୀ ଆଉ ଦୁଇ ଛୋଟ ପିଲା ଅତି ଦୁଃଖରେ ତାଙ୍କର କାଳାତିପାତ କରନ୍ତି l ଏହି ଖବର ସ୍ଥାନୀୟ ବାସିନ୍ଦା ଓ କିଛି ଗଣମାଧ୍ୟମ ଦ୍ଵାରା ପ୍ରକାଶ ପାଇବା ପରେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟର ସଭାପତି ଓ ସମ୍ପାଦକ ତାଙ୍କ ପରିବାର ପାଖକୁ ଯାଇ ପ୍ରକୃତ ତଥ୍ୟ ତଦନ୍ତ କରିଥିଲେ l ଆଜି ଏହି ପରିବାର କୁ ଦୁଇଟି ଗୋ ସମ୍ପତି ଦାନ କରାଯାଇଛି l ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ଏହି କାର୍ଯ୍ୟକ୍ରମ ସ୍ଥାୟୀ ସମାଧାନର ପନ୍ଥା ଅଟେ l ଟ୍ରଷ୍ଟ ପକ୍ଷରୁ ଗୋମାତା ପ୍ରଦାନ ପରେ ଏକ ଚୁକ୍ତି ପତ୍ର ସ୍ବାକ୍ଷର କରାଯାଇଛି l ଏଥିରେ ଉଲ୍ଲେଖ ଅଛି କି ଏହି ପରିବାର ଗୋ ସମ୍ପଦ ଦ୍ଵାରା ନିଜର ଗୁଜୁରାଣ ମେଣ୍ଟାଇବା ଓ ତାଙ୍କର ସୁରକ୍ଷା କରିବେ l ଯଦି ନକରି ପାରିବେ ତେବେ ଟ୍ରଷ୍ଟ ର କର୍ମକର୍ତ୍ତାଙ୍କ ସହ ଯୋଗାଯୋଗ କରିବେ l ସେମାନେ ଏହି ଗୋମାତାଙ୍କୁ ଅନ୍ୟତ୍ର ବିକ୍ରୟ କରିପାରିବେ ନାହିଁ କିମ୍ବା ଅନ୍ୟ ସମ୍ପ୍ରଦାୟକୁ ବିକ୍ରି କରିପାରିବେ ନାହିଁ l ଗୋ ସମ୍ପତି ର ସୁରକ୍ଷା ଆମର ଲକ୍ଷ୍ୟ ବୋଲି ଟ୍ରଷ୍ଟ ପକ୍ଷରୁ ବାର୍ତ୍ତା ଦିଆଯାଇଛି l
ଆଜିର କାର୍ଯ୍ୟକ୍ରମରେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟର ସଭାପତି ଦମନ ମହାନ୍ତି,ସମ୍ପାଦକ ରାଜେଶ କୁମାର ବାରିକ,ମନୋଜ କୁମାର ଜେନା,ଅହିତ୍ରାଂଶୁ ବେହେରା, ବ୍ରଜକିଶୋର ଦାସ,ମନୋଜ କୁମାର ରାଉତ,ନିଗମ କୁମାର ସାହୁ, ଭାବଗ୍ରାହୀ ସାହୁ ଓ ଅମ୍ବୁଜ ଲେଙ୍କା ଉପସ୍ଥିତ ଥିଲେ l
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
