ନଦୀରୁ ଯୁବକ ଙ୍କ ମୃତ ଦେହ ଉଦ୍ଧାର
ଡାବୁଗାଁ, ୧୯/୮ (ମ. ନି. ସ.) – ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ଦରଗୁଲା ଗ୍ରାମ ନିକଟ ନଦୀରୁ ଜଣେ ଯୁବକ ର ମୃତଦେହ ମଙ୍ଗଳବାର ସନ୍ଧ୍ୟା ରେ ଉଦ୍ଧାର କରାଯାଇଛି l ସୂଚନାଯୋଗ୍ୟ :- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ କେରଣ୍ଡି ଗ୍ରାମର ଦଇମନ ଭତ୍ରା (୩୫) ଗତ ୧୬ ତାରିଖ ଦିନ ଠାରୁ ନିଖୋଜ ଥିଲେ l ମଙ୍ଗଳବାର ଦିନ ଅପରାହ୍ନ ରେ ଅଙ୍ଗୀ ନଦୀରେ ଦରଗୁଲା ଗ୍ରାମ ନିକଟରେ କିଛି ଲୋକ ମାଛ ଧରୁଥିଲା l ସେଠାରେ ଯୁବକର ଶବ ଭାସୁଥିବା ଦେଖି ଡାବୁଗାଁ ଅଗ୍ନିଶମ କେନ୍ଦ୍ର କୁ ଖବର ଦେଇଥିଲେ l ଖବରପାଇ ଅଗ୍ନିଶମ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିଥିଲେ l ପରେ ସେଠାରେ ମୃତକ ର ପରିବାର ଲୋକେ ମୃତଦେହ ଚିହ୍ନଟ କରିଥିଲେ l ପରେ ଅଗ୍ନିଶମ କର୍ମଚାରୀ ମାନେ ମୃତ ଦେହ କୁ ଆଣି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରିଥିଲେ l ଏନେଇ ମୃତକ ର ପିତା ଘନସାଇ ଭତ୍ରା ଡାବୁଗାଁ ଥାନା ରେ ଏତଲା ଦେଇଛନ୍ତି l ଉକ୍ତ ଏତଲାକୁ ଭିତ୍ତି କରି ଥାନା କେସ ନଂ ୨୪/୨୫ ରେ ek ଅପମୃତ୍ୟୁ ମାମଲା ରୁଜୁ କରାଯାଇଛି l ଥାନା ସବଇନିସ୍ପେକ୍ଟର ବିକ୍ରମ କିଶୋର ସାହୁ ଘଟଣା ର ତଦନ୍ତ କରୁଛନ୍ତି ଆସନ୍ତା କାଲି ଶବ ବ୍ୟବଚ୍ଛେଦ କରାଯିବ ବୋଲି ପୋଲିସ ସୂତ୍ରରୁ ପ୍ରକାଶ l
ଡାବୁଗାଁ ରୁ ପ୍ରଜ୍ଞା ରଞ୍ଜନ ପରିଡା ଙ୍କ ରିପୋର୍ଟ
