ଚିନ୍ମୟ ଦାସପଟ୍ଟନାୟକ “ନାଟ୍ୟ ଗୌରବ ସମ୍ମାନ” ରେ ସମ୍ମାନିତ
ମୟୂରଭଂଜ – ତା :- ୨୫୲୧୧୲୨୦୨୫ ରିଖ ଭୁବନେଶ୍ଵରସ୍ଥିତ ଭଞ୍ଜ କଳା ମଣ୍ଡପରେ ପଞ୍ଚଧ୍ୱନି ନାଟ୍ୟ ପରିଷଦ ତରଫରୁ ମଂଚ, ବେତାର , ଟେଲିଭିଜନ ତଥା ଓଡିଆ ଚଳଚ୍ଚିତ୍ର ଜଗତର ପ୍ରତିଷ୍ଠିତ ଅଭିନେତା, ଲେଖକ, ନିର୍ଦ୍ଦେଶକ ତଥା ପ୍ରଯୋଜକ ବାରିପଦାର ଚିନ୍ମୟ ଦାସପଟ୍ଟନାୟକଙ୍କୁ ପଞ୍ଚଧ୍ବନି ନାଟ୍ୟ ପରିଷଦ ତରଫରୁ ସଚିବ, ଓଡିଶା ସଂଗୀତ ନାଟକ ଏକାଡ଼େମୀ, ଚନ୍ଦ୍ରଶେଖର ହୋତାଙ୍କ ହାତରେ ଉପଢୌକନ ଓ ମାନପତ୍ର ପ୍ରଦାନ କରାଯାଇ “ନାଟ୍ୟ ଗୌରବ ସମ୍ମାନ” ରେ ସମ୍ବର୍ଦ୍ଧିତ କରାଯାଇଅଛି । ଅନ୍ୟ ମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ ପ୍ରଖ୍ୟାତ ଲେଖିକା, ନିର୍ଦ୍ଦେଶିକା ଡକ୍ଟର ମାୟା ଦାସ , ଓଡିଶା ନାଟ୍ଯ ସଂଘର ସଭାପତି ତଥା ବରିଷ୍ଠ ନିର୍ଦ୍ଦେଶକ ମିହିର ମେହେର, ଓଡିଶା ନାଟ୍ଯ ସଂଘର ସାଧାରଣ ସମ୍ପାଦକ ତଥା ବିଶିଷ୍ଟ ଅଭିନେତା, ଲେଖକ, ନିର୍ଦ୍ଦେଶକ ଓ ସଂଗଠକ ସୁଧାଂଶୁ ମୋହନ ଦ୍ବିବେଦୀ ପ୍ରମୁଖ ଉପସ୍ଥିତ ଥିଲେ I ପଞ୍ଚଧ୍ୱନି ନାଟ୍ୟ ପରିଷଦର ସଭାପତି ତଥା ସୁନାମଧନ୍ୟ ନାଟ୍ୟକାର ପଞ୍ଚାନନ ଦାସଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା I ଏହି ସମ୍ମାନ ପାଇଁ ମୟୁରଭଞ୍ଜର କଳା-ସଂସ୍କୃତି ପ୍ରେମୀଗଣ ତାଙ୍କୁ ଅଭିନନ୍ଦନ ଜଣାଇଛନ୍ତି I ନିକଟ ଅତୀତରେ ତାଙ୍କ ନେତୃତ୍ୱରେ ଅନୁଷ୍ଠିତ ଜାତୀୟ ନାଟ୍ୟ ମହୋତ୍ସବ ଦର୍ଶକଙ୍କୁ ନାଟକ ପ୍ରତି ବେଶ ଆକୃଷ୍ଟ କରିଥିଲା I
ମୟୂରଭଂଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
