କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଠାରେ ଶବ ବ୍ୟବଚ୍ଛେଦ ପାଇଁ ପୋଷ୍ଟମର୍ଟମ ସେଣ୍ଟର , ସ୍ଥାପନ ପାଇଁ ନିଷ୍ପତ୍ତି ନେଲେ ରାଜ୍ୟ ସରକାର
କଳାହାଣ୍ଡି ଜିଲ୍ଲା କଲମପୁର ଠାରେ ଶବ ବ୍ୟବଚ୍ଛେଦ ପାଇଁ ଏକ ପୋଷ୍ଟ ମର୍ଟମ ସେଣ୍ଟର ସ୍ଥାପନ ପାଇଁ ରାଜ୍ୟ ସରକାର ଘୋଷଣା କରିଛନ୍ତି।କଲମପୁର ଥାନା ଅଞ୍ଚଳର ଜନସାଧାରଣ ବିଭିନ୍ନ ଘଟଣା ଓ ଦୁର୍ଘଟଣା ରେ ପୋଷ୍ଟମର୍ଟମ ବା ଶବ ବ୍ୟବଚ୍ଛେଦ କରିବା ପାଇଁ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଉପରେ ନିର୍ଭର କରୁଥିଲେ। ଏନେଇ ସମୟ ଅସମୟରେ ଏଥି ପାଇଁ ନାନା ଅସୁବିଧାର ସମ୍ମୁଖୀନ ହେବାକୁ ପଡୁଥିଲା। ଜନ ସାଧାରଣ ଙ୍କ ସ୍ୱାର୍ଥ ଦୃଷ୍ଟିରୁ ମୁଖ୍ୟମନ୍ତ୍ରୀଙ୍କ ନିକଟରେ ଧର୍ମଗଡ଼ ବିଧାୟକ ସୁଧୀର ରଞ୍ଜନ ପଟ୍ଟଯୋଶୀଙ୍କ ଦାବୀ ପରେ ରାଜ୍ଯ ଗୃହ ବିଭାଗ ଜନସାଧାରଣଙ୍କ ସୁବିଧା ଏବଂ ପୋଲିସ ପ୍ରଶାସନର ସୁଗମ ପରିଚାଳନା ପାଇଁ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଠାରେ ଶବ ବ୍ୟବଚ୍ଛେଦ ପାଇଁ ପୋଷ୍ଟମର୍ଟମ ସେଣ୍ଟର ସ୍ଥାପନ ପାଇଁ ନିଷ୍ପତ୍ତି ନେଇଛନ୍ତି। ଏନେଇ କଲମପୁର ବ୍ଲକ ଅଞ୍ଚଳର ଜନ ସାଧାରଣ ଖୁସିବ୍ୟକ୍ତ କରି ମାନ୍ୟବର ବିଧାୟକ ଶ୍ରୀ ସୁଧୀର ରଞ୍ଜନ ପଟ୍ଟଯୋଶୀଙ୍କ ଏକନିଷ୍ଟ ଉଦ୍ୟମ ଯୋଗୁଁ ବହୁ ଦିନର ଦାବୀ ସଫଳ ହୋଇଛି ବୋଲି ପ୍ରକାଶ କରିଛନ୍ତି।
ବିଦ୍ୟାଧର ସାହୁଙ୍କ ରିପୋର୍ଟ….
