ଧରାକୋଟ ବାଜାର ରେ ଜବରଦଖଲ ରୁ ବଢୁଛି ଟ୍ରାଫିକ ସମସ୍ୟା
ଆସିକା, ୧୫/୪/୨୬ (ଶିବ ଶଙ୍କର ମିଶ୍ର ) ଗଞ୍ଜାମ ଜିଲ୍ଲାର ଧରାକୋଟ ରେ ରହିଛି ବ୍ଲକ ,ତହସିଲ , ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର, ଥାନା,ପଶୁ ଚିକିତ୍ସାଳୟ , ଭାରତୀୟ ଷ୍ଟେଟ ବ୍ୟାଙ୍କ , ଓଡ଼ିଶା ଗ୍ରାମୀଣ ବ୍ୟାଙ୍କ, ମିଶନ ଶକ୍ତି କାର୍ଯ୍ୟଳୟ , ଆଇ ସି ଡି ଏସ କାର୍ଯ୍ୟଳୟ,ଡିଗ୍ରୀ କଲେଜ, ଏ ଏନ ଉଚ୍ଚ ମାଧ୍ୟମିକ ବିଦ୍ୟାଳୟ, ଦିବ୍ୟାଙ୍ଗ କେନ୍ଦ୍ର , କ୍ଷୁଦ୍ର ଜଳସେଚନ ବିଭାଗ କାର୍ଯ୍ୟଳୟ,ଦମକଳ କେନ୍ଦ୍ର, ବିଦ୍ୟୁତ ବିଭାଗ କାର୍ଯ୍ୟଳୟ ,କୃଷି ବିଭାଗ କାର୍ଯ୍ୟଳୟ , ଗ୍ରାମ୍ୟ ଉନ୍ନୟନ ବିଭାଗ କାର୍ଯ୍ୟାଳୟ,ଜଙ୍ଗଲ ବିଭାଗ କାର୍ଯ୍ୟଳୟ ,ଡାକ ବିଭାଗ କାର୍ଯ୍ୟଳୟ । ଏଣୁ ପ୍ରତିଦିନ ଏଠାକୁ ଶହ ଶହ ଲୋକ ବିଭିନ୍ନ କାର୍ଯ୍ୟ ସାଧନ ପାଇଁ ଆସନ୍ତି । ମୁଖ୍ୟତଃ ଡାକ ସେବା ,ଓଡ଼ିଶା ଗ୍ରାମୀଣ ବ୍ୟାଙ୍କ,ଗ୍ୟାସ କାର୍ଯ୍ୟଳୟ ,ଖାଇବା ହୋଟେଲ ଜଳଖିଆ ଦୋକାନ ,କିରାଣୀ ଦୋକାନ ଓ ଅନ୍ୟାନ୍ୟ ଦୋକାନ ଗୁଡ଼ିକ ମୁଖ୍ୟ ବଜାର ରାସ୍ତା ଉପରେ ରହିଥିବାରୁ ଗ୍ରାହକ ମାନେ ଏହି ସବୁ ଦୋକାନକୁ ଆସି ମନଇଚ୍ଛା ମୁଖ୍ୟ ବଜାର ରାସ୍ତା ଉପରେ ନିଜର ଗାଡି,ମଟର ସାଇକେଲ ରଖିଦେଉଥିବା ଯୋଗୁଁ ପରିବହନ କ୍ଷେତ୍ରରେ ନାହିଁ ନଥିବା ସମସ୍ୟା ଦେଖାଦେଉଛି । ବ୍ରହ୍ମପୁର ଠାରୁ ସୋରଡା,ବଡଗଡ,ଓଳମ୍ବା, ଦାରିଂବାଡି ,ବାଲିଗୁଡ଼ା ଯାଉଥିବା ବସ ଗୁଡ଼ିକ ରାସ୍ତା ଉପରେ ଜବର ଦଖଲ କରି ଗାଡି ମଟର ରଖାଯାଉଥିବାରୁ ବିଳମ୍ବରେ ପହଞ୍ଚୁଛନ୍ତି । ଦୁଇ ପଟେ ଦୋକାନୀ ମାନେ ମଧ୍ୟ ଆଗକୁ ଚାଲି ଆସିଥିବାରୁ ରାସ୍ତା ଦିନକୁଦିନ ସଙ୍କୁଚିତ ହେଉଛି । ଏଣୁ ଟ୍ରାଫିକ ସମସ୍ୟା ସହିତ ଦୁର୍ଘଟଣା ବଢୁଛି । ଏଣୁ ପ୍ରଶାସନ ତରଫରୁ ତହସିଲ କାର୍ଯ୍ୟଳୟ,ପୂର୍ତ୍ତ ବିଭାଗ ଅଧିକାରୀ ଓ ପୋଲିସ ମିଳିତ ଭାବରେ ପୂରୁଣା ପଞ୍ଚାୟତ ଛକ ଠାରୁ କ୍ଷୁଦ୍ର ଜଳସେଚନ ବିଭାଗ କାର୍ଯ୍ୟଳୟ ଛକ ପର୍ଯ୍ୟନ୍ତ ମୁଖ୍ୟ ବଜାରର ଏହି ଜବରଦଖଲ ହଟାଇ ଟ୍ରାଫିକ ସମସ୍ୟାର ସ୍ଥାୟୀ ସମାଧାନ ପାଇଁ ପଦକ୍ଷେପ ନେବାକୁ ଦାବୀ ହେଉଛି ।
