ବିଧାୟକ ଦୁର୍ଗାଙ୍କ ଉପସ୍ଥିତିରେ ତିଲକାନଗର ବସ୍ତି ଅଞ୍ଚଳରେ ସଫେଇ କାର୍ଯ୍ୟକ୍ରମ
ରାଉରକେଲା : ରଘୁନାଥପଲ୍ଲୀ ବିଧାନସଭା ନିର୍ବାଚନ ମଣ୍ଡଳୀ ଅଞ୍ଚଳରେ ଥିବା ତଥା ମହାନଗର ନିଗମ ଅନ୍ତର୍ଗତ ତିଲକାନଗର ବସ୍ତିରେ ଥିବା ନାଳ ଓ ନର୍ଦମା ଗୁଡିକ ଦୀର୍ଘ ଦିନ ଧରି ସଫା ହୋଇନଥିବାରୁ ଅଳିଆ ଓ ଆବର୍ଜନା ଭର୍ତ୍ତି ହୋଇ ସବୁ ନାଳ ଗୁଡିକ ପୋତି ହୋଇ ଯାଇଥିଲା । ଫଳରେ ବର୍ଯ୍ୟ ଜଳ ନିଷ୍କାସନ ପାଇଁ ନାହିଁ ନ ଥିବା ଅସୁବିଧା ହେଉଥିଲା । ଏ ସମ୍ବନ୍ଧରେ ଖବରପାଇ ରଘୁନାଥପଲ୍ଲୀ ବିଧାୟକ ଦୁର୍ଗା ଚରଣ ତନ୍ତୀ ଅଞ୍ଚଳ ପରିଦର୍ଶନ କରି ତୁରନ୍ତ ଆବଶ୍ୟକ ପଦକ୍ଷେପ ନେବା ପାଇଁ ରାଉରକେଲା ମହାନଗର ନିଗମ ଅଧିକାରୀ ମାନଙ୍କ ଦୃଷ୍ଟି ଆକର୍ଷଣ କରିଥିଲେ । ଫଳରେ ଆଜି ସ୍ୱୟଂ ବିଧାୟକ ଦୁର୍ଗା ଚରଣ ତନ୍ତୀଙ୍କ ଉପସ୍ଥିତିରେ ଏବଂ ମହାନଗର ନିଗମ କମିଶନର ଦିନା ଦାସ୍ତିଦାର,ଯୁଗ୍ମ କମିଶନର ପଲ୍ଲବୀ ନାୟକ, ଡେପୁଟି କମିଶନର ଅନିତା ନାୟକ ପ୍ରମୁଖଙ୍କ ପ୍ରତକ୍ଷ ତତ୍ୱାବଧାନରେ ଉକ୍ତ ଅଞ୍ଚଳରେ ସଫେଇ କାର୍ଯ୍ୟ ସମ୍ପର୍ଣ୍ଣ ହୋଇଥିଲା । ଏହି ସଫେଇ କାର୍ଯ୍ୟକ୍ରମରେ ବିଜେପି ନେତ୍ରୀ ଶ୍ରୀମତୀ ଲତିକା ପଟ୍ଟନାୟକ, ରଞ୍ଜିତ ନାୟକ, ମାଣିକ ଚୌଧୁରୀ, ରଞ୍ଜିତା କିସପଟ୍ଟା,ସବିତା ସିଂ,ନିରଞ୍ଜନ ପଟେଲଙ୍କ ସମେତ ବହୁ କର୍ମୀ ଓ ନେତା ଉପସ୍ଥିତ ଥିଲେ ।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
