ଅଜଣା ଗାଡ଼ି ଧକ୍କା ରେ ମୋଟରସାଇକଲ ଚାଳକ ମୃତ
ନବରଙ୍ଗପୁର:(୨୯|୬)( ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅଧିନ ମାନିଗାଁ ଗ୍ରାମ ପାଖ ଦୟାଗୁଡ଼ା ଗ୍ରାମ ପାଖ ରାସ୍ତା ରେ ଏକ ଅଜଣା ଗାଡ଼ି ଧକ୍କାରେ ମୋଟରସାଇକଲ ଚାଳକ ମୃତ୍ୟୁ ବରଣ କରିଥିବା ସୋମବାର ରାତ୍ରି ସମୟରେ ଦେଖାଯାଇଛି । ସୂଚନଯୋଗ୍ୟ ଡାବୁଗାଁ ଥାନା ଅଧିନ ମାନିଗାଁ ଗ୍ରାମର ହରି ମାଝୀ (୨୩) ଏକ ମୋଟସାଇକଲ ନଂ ସିଜି ୧୭ କେଇ ୯୧୬୨ ଯୋଗେ ସନ୍ଧ୍ୟା ପ୍ରାୟ ୮ ଘ ସମୟରେ ନିଜ ଶାଶୁଘର ଉମରାହାଣ୍ଡି ଗ୍ରାମକୁ ଯାଉଥିବା ସମୟରେ କୌଣସି ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇ ଚାଲିଯାଇଥିଲା । କୌଣସି ସୂତ୍ରରୁ ଡାବୁଗାଁ ଅଗ୍ନିଶମବିଭାଗ ଖବରପାଇ ଘଟଣା ସ୍ଥଳରେ ପହଞ୍ଚି ହରିଙ୍କୁ ଉଦ୍ଧାର କରି ଡାବୁଗାଁ ଗୋଷ୍ଠୀସ୍ଵାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣା ସ୍ଥଳରେ ଡାବୁଗାଁ ପୋଲିସ ପହଞ୍ଚି ତଦନ୍ତ ଜାରିରଖିଛନ୍ତି ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
