ଆଇନ ମହାବିଦ୍ୟାଳୟର ମାନସିକ ସ୍ଵାସ୍ଥ୍ୟ ଓ ଆଇନ ସହାୟତା ଶିବିର
ରାଉରକେଲା : ରାଉରକେଲା ଆଇନ ମହାବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷା ଡକ୍ଟର ସମ୍ପାଦିକା ମହାନ୍ତିଙ୍କ ଅଧକ୍ଷତା ଓ ଝିରପାଣି ସ୍ଥିତ ଡାମିଟ୍ସ ର ସହଯୋଗ ରେ ଏକ ମାନସିକ ସ୍ୱାସ୍ଥ୍ୟ ଓ ସୁସ୍ଥତା ତଥା ନିଃଶୁଳ୍କ ଆଇନ ସହାୟତା ଶିବିର ସୁନ୍ଦରଗଡ଼ ଜିଲ୍ଲାର ବିଶ୍ରା ଗ୍ରାମପଂଚାୟତରେ ଆୟୋଜିତ ହୋଇଯାଇଛି l ଏଥିରେ ଜିଲ୍ଲା ପରିଷଦ ସଭ୍ୟ, ସ୍ୱୟଂ ସହାୟକ ଗୋଷ୍ଠୀ ସଭ୍ୟ, ଓ ଅଙ୍ଗନବାଡି ସଭ୍ୟ, ଗ୍ରାମାଞ୍ଚଳର ପିଲାମାନେ ଓ ଡାମିଟ୍ସ ର ଡକ୍ଟର ମମତା ନାୟକ,ସହାୟିକା ପ୍ରାଧ୍ୟାପିକା ପଦ୍ମିନୀ କୁମ୍ଭାର, ରାଉରକେଲା ଆଇନ ମହାବିଦ୍ୟାଳୟର ସହାୟକ ପ୍ରାଧ୍ୟାପକ ତନ୍ମୟ ରାଜ ପାଢ଼ୀ, ମହାବିଦ୍ୟାଳୟର ଛାତ୍ରଛାତ୍ରୀମାନେ ଏହି ସଚେତନତା ଶିବିରରେ ଯୋଗଦେଇଥିଲେ l ସାମ୍ପ୍ରତିକ ସମୟରେ ପିଲାମାନଙ୍କ ମଧ୍ୟରେ ଆତ୍ମହତ୍ୟା ଅନେକ ବଢିଯାଇଛି, ସେ ନେଇ ପିଲାମାନଙ୍କ ମନସ୍ତତ୍ଵକୁ ବୁଝି ତାକୁ କିପରି ସୁସ୍ଥ ରଖାଯାଇ ପାରିବ, ସେ ନେଇ ଆଲୋଚନା କରାଯାଇଥିଲା l ଏ ବିଷୟ ଉପରେ ଉଚ୍ଚଶିକ୍ଷା ବିଭାଗ ମଧ୍ୟ ଗୁରୁତ୍ୱ ଦେଉଅଛି l ଗ୍ରାମାଞ୍ଚଳରେ ଆଇନ ସମ୍ୱନ୍ଧୀତ ଜ୍ଞାନର କେତେ ଆବଶ୍ୟକତା ରହିଛି, ସେ ବିଷୟରେ ଜ୍ଞାନ ବିତରଣ ଏବଂ ଏତଦ ବ୍ୟତୀତ ରାଉରକେଲା ଆଇନ ମହାବିଦ୍ୟାଳୟରେ ନିଃଶୁଳ୍କ ଆଇନ ସହାୟତାର ବ୍ୟବସ୍ଥା ସମ୍ପର୍କରେ ଗ୍ରାମବାସୀ ମାନଙ୍କୁ ଅବଗତ କରାଗଲା l ଏହି କାର୍ଯ୍ୟକ୍ରମରେ ଡାମିଟ୍ସ ର ମୁଖ୍ୟ ଲାୟନ ଡ ଯତୀନ୍ଦ୍ର ନାୟକ ଉପସ୍ଥିତ ଥିଲେ।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
